Sasi të pakta të kësaj vitamine mund të jenë burim i disa problemeve. Veçanërisht në rrezik janë ata që marrin ilaçe të caktuara për një kohë të gjatë, për shembull për kolesterol, diabet ose stomak. Njihet si vitamina e “veganëve”, e cila rrezikon të jetë e paktë nëse ushqimi me origjinë shtazore është plotësisht i përjashtuar nga dieta.
Por mungesat e vitaminës B12 janë gjithashtu të mundshme në situata të tjera më pak të njohura: një rast është terapia kronike me disa ilaçe, të tilla si antiepileptikë, fibrat për kolesterol të lartë, metformin për diabetin, anti-acid të ndryshëm që përdoren për të reduktuar aciditetin e stomakut, për shembull omeprazol.
Probleme serioze
Të gjitha këto ilaçe ndërhyjnë në thithjen e vitaminës B12, e cila ndodh kryesisht në stomak dhe nëse ato përdoren për periudha të gjata, mund të çojnë në një mungesë pak a shumë konsistente që është e rrezikshme për shëndetin dhe ka pasoja negative në disa raste pak të njohura: një studim i botuar në revistën ‘Journal of Bone’ dhe ‘Mineral Research’, tregoi një korrelacion midis mungesës së vitaminës B12 dhe një reduktimi të ndjeshëm të masës së kockave, me një rritje të rrezikut të osteoporozës.
Mungesa e vitaminës B12 shoqërohet gjithashtu me një rrezik të depresionit të dyfishtë në krahasim me ato pa deficit: kjo vitaminë është thelbësore për mirëqenien e sistemit nervor dhe kur ajo është e paktë, mund të shkaktojë çrregullime kujtese dhe njohëse. Për më tepër, nëse ka pak B12, qelizat e kuqe të gjakut zgjerohen dhe transporti i gjakut nuk është efikas: rezultati është një anemi që çon në simptoma shumë të zakonshme si lodhja dhe dobësia e muskujve, por edhe ulçera në gojë, gjuha e kuqe dhe e dhimbshme, vizion i turbullt dhe trazirat e ecjes, ndjesia e shpimeve.
Një mangësi e rëndë mund të çojë në probleme të sterilitetit ose komplikime në shtatzëni, prandaj gratë e moshës për lindje duhet të sigurojnë një furnizim të mirë të vitaminës B12. Por kjo është esenciale për të gjithë.
“Pellagra moderne”
Për fat të keq, mangësitë janë gjithnjë e më të shpeshta për shkak të përhapjes së zgjedhjeve ushqimore që përjashtojnë plotësisht produktet e kafshëve nga dieta, më e pasura me vitaminë B12: kështu që ‘Journal of Medical Medicine’ në kohët e fundit foli për “pellagra moderne” duke iu referuar mungesës së B12, duke treguar rastin e një veganeje që erdhi në spital në Melburn me shenja të një deficiti shumë serioz në lëkurën e saj, nga pllakat e mëdha të lëkurës deri te plagët që nuk shëroheshin.
Mund të jetë e vështirë të vërehet mungesa, sepse simptomat shpesh shfaqen kur deficiti është i konsiderueshëm; megjithatë, sipas Task Forcës Parandaluese të SHBA-së, nuk është i nevojshwm një shqyrtim për të vlerësuar nivelet e vitaminave, përveç nëse ato i përkasin një kategorie rreziku, për shembull, nëse jemi veganë, përdorim ilaçe kronike që ndikojnë në absorbimin e vitaminës ose jemi mbi 75 vjeç.
Lajmi i mirë është se në shumicën e rasteve një dietë e ekuilibruar është e mjaftueshme për të shmangur problemet, gjithashtu sepse sipas një studimi të kohëve të fundit, vitamina e marrë me ushqime, edhe ato të fortifikuara me B12, është më mirë se B12 e marrë në formën e shtesës. Një sasi e mirë e B12 gjendet në ushqimet e prejardhura nga kafshët si mishi, vezët, qumështi dhe produktet e qumështit, por edhe në peshq të tillë si sardelet, ton ose salmon; për veganët, një mundësi vjen nga ushqime të fortifikuara me vitaminë B12, të tilla si drithëra ose qumësht soje.
Burimi / http://www.gazeta-shqip.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
