10% deri 30% e popullsisë vuan nga fryrja. Problemet me tretjen, menstruacionet, kapsllëku dhe alergjitë ushqimore janë shkaqet më të zakonshme të fryrjes dhe zakonisht janë të përkohshme. Sidoqoftë, nëse bëhet kronike, atëherë mund të jetë një shenjë e diçkaje më problematike.
Me këtë artikull ne dëshirojmë të tërheqim vëmendjen tuaj për 6 probleme shqetësuese që mund t’ju bëjnë të ndjeheni të fryrë.
Infeksioni i traktit urinar
Një infeksion i traktit urinar (UTI) mund t’ju bëjë të nxitoni shpesh për në banjë. Ndonjëherë madje mund të bëjë që personi të ndjehet sikur duhet të përdorë përsëri banjën menjëherë pasi të ketë përfunduar. Mund të ndjehet si presion në bark, dhimbje ose fryrje. Ju gjithashtu mund të përjetoni ethe, të dridhura, të përziera dhe të vjella. Gjakderdhja gjithashtu mund të shkaktohet nga infeksione të rënda në veshka.
Sëmundje të mëlçisë
Sëmundja e mëlçisë, e cila mund të shkaktohet nga përdorimi i alkoolit, hepatiti C ose kanceri, mund të çojë në grumbullimin e lëngjeve dhe të shkaktojë fryrje. Nëse fryrja është shkaktuar për shkak të një problemi në mëlçi, atëherë ju gjithashtu mund të ndjeheni të lodhur, ju krijohen shenja lehtë, ose mund të sëmureni me verdhëz. Nëse ky është rasti, duhet të kontaktoni menjëherë me një mjek.
Sëmundja inflamatore e zorrëve
Sëmundja inflamatore e zorrëve (IBD) është një gjendje inflamatore që prek kryesisht zorrën e trashë dhe zorrën e hollë. Kjo mund të shkaktojë diarre, dhimbje barku dhe madje edhe fryrje. Hulumtimet kanë treguar që njerëzit me sëmundjen e Crohn-it kanë më shumë gjasa të jenë intolerantë ndaj laktozës. Intoleranca ndaj laktozës mund të shkaktojë formacione gazi, të cilat më pas mund të çojnë në fryrje.
Divertikuliti
Divertikuliti është inflamacioni i qeskave të vogla të quajtura divertikula që zhvillohen përgjatë mureve të zorrëve. Simptomat përfshijnë një fillim të papritur të dhimbjes së pjesës së poshtme të barkut. Në Azi, dhimbja është zakonisht në anën e djathtë ndërsa në Amerikën e Veriut dhe Evropë, është në anën e poshtme të majtë.
Simptoma të tjera mund të përfshijnë përzierje, diarre, kapsllëk dhe fryrje.
Ekzistojnë disa organe të vendosura në zonën e barkut si pankreasi, stomaku, zorra e trashë, mitra dhe vezorja. Nëse kanceri zhvillohet në njërin prej këtyre organeve, mund të çojë në një fryrje të pashpjegueshme. Prandaj, nëse vëreni një fryrje të vazhdueshme dhe një rritje të papritur të madhësisë së barkut tuaj, kjo mund të jetë një shenjë e kancerit.
Shëndeti mendor
Kur një person është nën stres kronik, hormonet si kortizoli mund të marrin përparësi. Në këtë lloj situate, hormonet e tretjes nuk prodhohen me bollëk, gjë që mund të çojnë në dispepsi dhe të bëjnë që personi të ndjehet i fryrë.
Burimi / http://supershendeti.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
