Si të mbani mushkonjat larg lëkurës gjatë verës? Vera tashmë ka trokitur dhe bashkë me të vjen edhe nevoja për të mbrojtur veten nga mushkonjat. Për nënat dhe baballarët e fëmijëve të vegjël ekziston edhe nevoja për të gjetur një metodë të rehatshme kundër mushkonjave të përshtatshme për të porsalindurit, të cilët janë në gjendje të devijojnë natyrshëm insektet nga lëkura e të vegjëlve, pa përdorimin e ilaçeve. Bimët mund të jenë një zgjidhje e dobishme, sepse ato përmbajnë një element anti-mushkonjë që çorienton insektet.
Mushkonjat e duan erën natyrale të lëkurës
Një mit për t’i dëbuar: nuk ka cilësi gjaku të preferuar nga mushkonjat, por është nxehtësia njerëzore dhe djersitja që i tërheq ato. Një përzierje e shijshme për mushkonjat dhe insektet e tjera të vogla, është ajo e përbërë nga dioksidi i karbonit që prodhojmë gjatë frymëmarrjes dhe aroma e lëkurës sonë, e cila përmban acid të bollshëm në djersë. Në veçanti, lëkura e fëmijëve tërheq mushkonjat më lehtë, sepse ajo ka një densitet të lartë të gjëndrave të djersës për centimetër katror të lëkurës, rreth katër herë më shumë se lëkura e një të rrituri.
Bimë natyrore kundër mushkonjave
Për të çorientuar mushkonjat mund të vendosni në tarracë, kopsht dhe dritare disa bimë që janë veçanërisht të padëshirueshme për këto insekte: një ilaç natyral kundër mushkonjave, i dobishëm për të mbrojtur lëkurën tonë dhe njëkohësisht kanë një aromë të këndshme. Më të përshtatshme janë citronella, barbarozë, borziloku, nenexhiku dhe livandoja, të cilat çorientojnë insektet dhe mushkonjat me aromën e tyre intensive dhe të këndshme, duke maskuar erën e lëkurës sonë. Në veçanti, calendula është një bimë shumë dekorative me lule ngjyrë portokalli intensive, e cila përdoret edhe në kozmetikë dhe me aromën e saj ndihmon për të mbajtur insektet larg.
Kur kujdeseni për bimët kundër mushkonjave është e këshillueshme që të shmangni ujin e ndenjur, shpesh duke zbrazur vazot ku mushkonjat mund të gjejnë mjedisin ideal për riprodhim. Një tjetër mashtrim është që të vini disa monedha bakri në tokë, për shembull 5 cent, të cilat lëshojnë jone dhe oksid bakri, duke kufizuar derdhjen e vezëve.
Këshilla për lëkurën nga eksperti Fiocchi di Riso
Në verë mos harroni të përdorni emulsione që rregullojnë djersitjen dhe e mbajnë lëkurën të thatë dhe të mbrojtur.
Burimi / www.fiocchidiriso.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
