Hiperhidratimi apo djersitja e tepruar, mund të na bëjë të skuqemi dhe të ndihemi të turpëruar. Disa produkte të tilla si domatet, lakra apo kafeja rrisin sasinë e djersës dhe e bëjnë erën e saj më të fortë dhe të rëndë. Megjithatë, ka produkte që mund të minimizojnë këtë tipar të trupit të njeriut.
Më poshtë ju tregojmë cilat produkte duhet të shtoni në dietën tuaj për të hequr qafe erën keqe të trupit që ju bën të humbni vetëvlerësimin, si dhe të ndiheni më të sigurt.
Vaji i kokosit. Është një nga produktet më efektive që mund t’i japë trupit tuaj një aromë të këndshme. Vetitë e tij anti-mikrobike kufizojnë rritjen e baktereve, ndërsa acidi laurik në përbërjen e tij shkatërron erën e thartë. Natyrisht, kjo nuk do të thotë që nuk do të djersitni fare. Rekomandohet të aplikoni vajin në zonën e sqetullave 1-2 herë në ditë pasi keni bërë dush. Përveç kësaj, vaji ndikon në të gjithë trupin dhe madje ndihmon edhe për frymëmarrjen nëse konsumohet si ushqim.
Limoni dhe qitro. Aroma nuk është gjëja e vetme që vetitë antiseptike të limonit mund të eliminojnë. Ashtu si vaji i kokosit, lëngu i limonit mund të kontrollojë edhe aromën e keqe të gojës të shkaktuar nga bakteret e dëmshme. Nëse pini një gotë ujë me limon në mëngjes, mund të eliminoni këtë aromë të pakëndshme. Një tjetër mundësi është të shtrydhni një gjysmë limoni, të fshini me të këmbët ose sqetullat dhe ta lini të thahet para se të bëni një dush.
Bima e njomë e grurit përmban një sasi të madhe proteinash, vitaminë C, B12, B6, acid folik. Për më tepër, ky është një antioksidant i fuqishëm natyror që është shumë efektiv kur lufton erën e pakëndshme të trupit. Ju mund të hani atë të freskët (40 gr në ditë) ose si një pluhur (3 gr në ditë).
Majdanozi është një ilaç popullor për trajtimin e erërave të pakëndshme të trupit. Është përmbajtja e lartë e klorofilit dhe aroma e tij e freskët që i japin një efekt si deodorant. Kjo barishte pastron trupin dhe lufton bakteret që e bëjnë trupin të mbajë erë të keqe. Hulumtimet treguan se majdanozi mund të luftojë me sukses edhe erën e squfurit. Ju ose mund të përdorni majdanozin në sallatë ose supërat e nxehta dhe ta konsumoni në mënyrë që të hiqni qafe erën e keqe të trupit.
Sherebela. Kjo bimë përmban flavonoide të tilla si apigenin, diosmetin dhe luteolin. Sherebela ka disa tipare shëruese si hemostatic, anti-inflamator, antibakterial etj., në sajë të këtij përqendrimi të ushqyesve. Gjethet dhe lulet e kësaj bime mund të ndihmojnë për të reduktuar djersën. Ajo mund të përdoret edhe duke u zier dhe të konsumohet ose të vendoset në vaskë ndërsa bëni dush. Megjithatë, duhet të jeni të kujdesshëm sepse një përqendrim i lartë i substancave të tilla biologjikisht aktive mund të shkaktojnë efekte anësore.
Mentja ka veti qetësuese. Përdorimi i këtij produkti zvogëlon numrin e impulseve të dërguara në gjëndrat e djersës që e bën trupin të lëshojë një sasi më të vogël të sekrecioneve. Mentet mund të konsumohen të freskëta, të thata ose si një vaj esencial si brenda dhe jashtë trupit. Kur përdoret në pjesë të caktuara të trupit ajo ka një efekt anti-inflamator dhe mbulon trupin me një aromë të këndshme.
Kanella. Hedhja e kanellës në ushqim është një zakon i mirë për t’u adoptuar. Është e famshme për aftësinë që ka për të eliminuar erërat e këqija në gojë. Nëse konsumohet çdo ditë, ajo fillon të ndikojë në erën e trupit dhe ndihmon në heqjen e djersitjes së tepruar.
Çaji jeshil. Çaji jeshil përmban acide organike dhe tanin. Kjo është arsyeja pse ka veti që ndihmojnë në luftimin e djersitjes së tepruar dhe parandalimin e rritjes së baktereve. Është e dobishme për këmbët, trupin dhe madje edhe gojën. Pini çaj jeshil çdo ditë për të marrë një rezultat më të mirë. Përveç zvogëlimit të djersitjes, ky çaj ka një efekt pozitiv në metabolizmin dhe është i dobishëm për ata që duan të qëndrojnë të dobët.
Rozmarina është në gjendje të bllokojë rritjen e baktereve që shkaktojnë erë të pakëndshme. Ajo përmban klorofil dhe mentol që kanë një efekt si deodoranti. Mungesa e zinkut në trup shkakton djersitje të tepruar. Meqë rozmarina përmban zink, kjo bimë kompenson mungesën e këtij elementi kimik. Ju mund të bëni një dush me rozmarinë ose holloni disa pika vaj esencial me 100 gr ujë dhe lyeni pjesën e sqetullave.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
