Një program i ri në Angli ndihmon fëmijët që të bëjnë gjumë të mirë gjatë natës, gjë i cili përmirëson edhe shëndetin e tyre mendor. Programi, i bazuar në Spitalin e Fëmijëve Sheffield përfshin prindërit duke u dhënë mësime se sa kohë duhet të mbajnë telefonin dhe disa seanca për gjumin nga ekspertët.
Ai ka për qëllim të ndihmojë fëmijët që janë të rrëmujshëm ose kanë sjellje sfiduese për të zhvilluar modelet më të mira të gjumit. NHS England tha se disa fëmijë flinin vetëm dy orë gjumë në natë. Skema ka ndihmuar rreth 800 fëmijë dhe familjet e tyre deri më tani. Qëllimi është të ndihmojë edhe në përmirësimin e performancës në shkollë.
Projekti, i njohur si “The Sheffield Children and Young People”, është zhvilluar nga stafi i spitalit, përfshirë edhe Profesoreshën Heather Elphick.
Ajo tha: “Ky projekt e ka bërë jetën më të mirë për fëmijët, të rinjtë dhe familjet e tyre në të gjithë qytetin, me një ndikim pozitiv jo vetëm në sasinë e gjumit të fituar, por në mirëqenien dhe cilësinë e jetës për të gjithë familjen. Programi redukton gjithashtu nevojën që një pacient të marrë ilaçe dhe trajtim intensiv mjekësor. Një gjumë i mirë është më shumë se vetëm i këndshëm dhe në të vërtetë është një nxitje e konsiderueshme për shëndetin dhe mirëqenien, veçanërisht për të rinjtë”.
Burimi / OraNews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
