Shpesh herë mendoni se bota e ka me ju. Ju mendoni se fati i keq ndikon pa arsye dhe se askush nuk kujdeset. Megjithatë, ju harroni të jeni protagonistët e jetës tuaj. Miratimi i rolit të viktimës mund të jetë shumë komod. Të ankuarit vazhdimisht është diçka që keni mësuar ta bëni shumë mirë, megjithatë, me këtë qëndrim, kurrë nuk do të jeni në gjendje të ecni përpara.
Ju do të qëndroni atje, në një zonë ngushëllimi që nuk bën asgjë, por ushqen besimin se nuk mund të bëni asgjë për të ndryshuar gjërat. Në realitet, ju vetëm duhet të ndërmerrni një hap përpara dhe të filloni të ecni. Përkundër frikës, pavarësisht përtacisë, sepse ju jeni protagonistët e jetës suaj.
Ne jemi protagonistët dhe vendosim se si ta jetojmë jetën tonë
Ju jeni protagonistët e jetës tuaj dhe zgjidhni se si ta jetoni atë. Nëse bëhesh viktimë, duhet të kesh parasysh se kjo ishte zgjedhja jote. Ju keni zgjedhur opsionin që zgjedhin shumica. Ndoshta sepse në këtë mënyrë ju mund të jeni shqetësimi i familjes suaj. Atyre njerëzve të afërt që ju duan shumë dhe do t’ju vij keq për gjendjen tuaj.
Ata nuk do të dinë që ju keni zgjedhur të ankoheni sepse nuk keni guximin të ndryshoni situatën tuaj. Sepse është e qartë se edhe nëse jeta nganjëherë është e vështirë, nëse dëshiron, mund të nxjerrësh një mësim pozitiv nga çdo ngjarje.
Çdo situatë që mund ta konsideroni negative fsheh një mundësi. Ndonjëherë, mund të jetë një mundësi për të mësuar; në praktikë, mësoni se si të menaxhoni emocionet tuaja. Mos harroni se ju jeni protagonistët, po planifikoni jetën që doni të jetoni, kështu që nëse doni apo jo, ju e krijoni atë.
Nëse vendosni të merrni një pushim, mund ta bëni. Çdo herë që bëjeni gati për t’u rinisur, mungesa e energjisë dhe pesimizmi juaj do të lënë mënjanë çdo mundësi të re pune.
Megjithatë, nëse e merrni me pozitivitet, si një mënyrë për të braktisur një punë që nuk ju pëlqen apo për të kërkuar shoqëri të reja që ju lejojnë të rriteni dhe përmirësoni veten tuaj, qëndrimi juaj do të jetë shumë i ndryshëm nga ai i mëparshmi. Qëndrimi është gjithçka. Një ndryshim qëndrimi mund të bëjë të shohësh gjëra që më parë ishin mbuluar nga një shtresë e trashë mjegulle.
Qëndrimi ynë do të tërheqë atë që na nevojitet
Nëse mbani një qëndrim pozitiv, do të tërhiqni gjëra pozitive. Edhe nëse kërkon pak kohë për t’u arritur. Edhe nëse keni humbur shpresën, qëndroni pozitivisht. Mendoni, për shembull, se një zhgënjim në dashuri ju bëri të kuptoni se një person që ju pëlqente, në të vërtetë thjesht ishte duke iu dëmtuar.
Ankesat, përgjithësimet dhe argumentet se të gjithë njerëzit janë njësoj, do të përsërisin të njëjtat gjëra dhe do të pengonin çdo person pozitiv që të hynte në jetën tuaj.
Nga ana tjetër, nëse jeni pozitiv, nëse mësoni nga ajo që ju ka ndodhur, dikush që vërtet vlen do të hyjë në jetën tuaj atëherë kur nuk e prisni. Sepse ju jeni protagonistët e jetës tuaj. Pra, çdo gjë që mendoni dhe besoni do të shfaqet.
Ne nuk jemi viktima të rrethanave
Gjithmonë mbani mend se nuk jeni viktimë e rrethanave. Çdo gjë që e përshkruani si negative nuk ju ndodh vetëm ju. Gjithashtu, nëse flisni dhe njihni njerëz të tjerë, do të kuptoni se ka shumë të tjerë që janë më keq se ju.
Fatkeqësia nuk është vetëm për ty. Jeta ka gjëra të mira dhe gjëra të këqija. A e njihni pjesën pozitive të atyre negative? Është ajo që mund të na mësojë diçka.
Kur gjithçka është mirë, ne shtypim butonin “autopilot”. Megjithatë, kur gjithçka shkon keq, ne vlerësojmë atë që kemi anashkaluar. Ne përqendrohemi në të tashmen dhe mund të duhet kohë për të reflektuar. Prandaj, mos u ndjeni viktimë dhe shihni anën pozitive të gjithçkaje që ju ndodh. Sepse ju jeni protagonistët e jetës tuaj dhe realiteti do të jetë ashtu si do të vendosni ta imagjinoni atë.
Nëse vendosni të zgjidhni rolin e viktimës, ju do të keni mijëra arsye për t’u ndier edhe më keq. Për shefin tuaj, partnerin, shëndetin… Por nëse vendosni të bëni atë që jeni, protagonist i jetës suaj, do të keni shumë mundësi për t’u rritur, për të mësuar dhe për të ecur përpara përkundër të gjitha problemeve që kanë të bëjnë me ju.
Përgatiti: Brikela Daci | Burimi / viverepiusani.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
