Edhe pse ilaçet kundër depresionit janë ndër më të përdorurat, në trajtimin farmakologjik ka një përqindje të pacientëve me sëmundje që nuk përfitojnë.
Një grup studiuesish europianë ka zhvilluar kohët e fundit një teori të re mbi mekanizmat e veprimit të këtyre ilaçeve, përmes eksperimenteve laboratorike të kryera në minj.
Dr. Silvia Poggini, studiuese në Institutin e Shëndetit në Romë, e cila mori pjesë në studim, sqaron se: “Ilaçet kundër depresionit funksionojnë në shumë raste, por te një përqindje e pacientëve, që varion 30-50%, askush nuk e di saktësisht se përse nuk japin efektin e duhur”.
Sipas studimit, në veçanti do të ishin kushtet e mjedisit në të cilin personi është i vendosur gjatë trajtimit, i cili do të ndikojë në suksesin ose dështimin e trajtimit me ilaçe kundër depresionit.
Studimi
Për të testuar hipotezën e tyre, studiuesit trajtuan me ilaçe antidepresive minjtë, për një periudhë dyjavore. Trajtimi filloi me fluoxetine. Grupi u nda në dy pjesë. I pari u la në të njëjtin ambient, ndërsa i dyti ishte në një mjedis më të rehatshëm.
Rezultatet treguan se minjtë e grupit të dytë treguan rritje të citokineve pro-inflamatore dhe një rënie në shenjat e depresionit, ndërsa minjtë e grupit të parë, pra të mbajtur nën stres, raportuan një rënie në citokineve pro-inflamatore dhe më shumë shenja depresive.
Ajo që ky studim tregon, është se mjedisi ka një rol në përgjigjen ndaj antidepresantëve.
Dr. Poggini komenton: “Vetëm marrja e ilaçeve kundër depresionit nuk është e mjaftueshme. Ju mund të keni nevojë për një mjedis të favorshëm për efektivitetin e tyre”.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
