Ndonjëherë e vëmë veten shumë në dyshim. Edhe pse asgjë nuk e vret më shumë suksesin tonë, se sa pasiguria. Më poshtë po rendisim disa arsye pse duhet të besosh tek vetja.
1.Për të hequr dyshimet
Kur beson tek vetja, i lë dyshimet të shkojnë. Nuk bëhet fjalë për të ditur se në çfarë gjëje jemi të mirë. Bëhet fjalë për të hedhur hapin, pavarësisht çfarë ndodh. Dyshimi t’i ul shanset për sukses, dhe është e rëndësishme të japësh më të mirën, nëse do të arrish më shumë.
2.Për të tërhequr energji pozitive
Një qasje negative ndaj çdo gjëje është ide e keqe, pasi ul dukshëm performancën tënde dhe negativiteti ndikon mbi mirëqenien. Kështu që, zhvillimi i pozitivitetit është një mënyrë e sigurt për t’u bërë njeri më i mirë.
3.Për të kapërcyer pengesat
Jeta nuk është e kollajtë. Të gjithë ndeshim pengesa e sfida, por e gjitha varet nga mënyra si i kapërcejmë. Nëse jemi të fiksuar me një rezultat negativ, është pothuaj e pamundur të mbesim të lumtur. Por kur beson tek vetja, e di se disa gjëra janë çështje kohe, dhe mund t’i kapërcesh për të vazhduar e jetuar një jetë më të mirë.
4.Për të mësuar nga dështimet
Askush nuk është i përsosur dhe të gjithë gabojmë. Por njerëzit me vetëbesim e dinë se dështimet ndodhin dhe se më e mira është të mësojmë prej tyre, që të mos i përsërisim.
5.Për të krijuar marrëdhënie të forta
Është vërtetuar shkencërisht se njerëzit e ndjejnë vetëbesimin tuaj dhe i tërheq. Po kështu ju lejon të ndërtoni marrëdhënie të forta me partnerë, klientë, dhe njerëz të dashur.
6.Për të arritur më shumë në jetë
Vetëbesimi eliminon hezitimin. Duhet të dish se je ti që ke kontrollin e fatit tënd kështu që fillo të provosh gjëra të ndryshme. Arrin më shumë në jetë kur nuk të shpëtojnë mundësitë rreth e rrotull teje.
7.Për të dashur veten
Ti meriton lumturinë dhe dashuria për veten e tregon atë. Kur beson tek vetja dhe arrin objektivat që ke vënë, bëhesh krenar për veten, dhe është një tjetër arsye e mirë për të qenë i lumtur me jetën.
Ke nevojë për më shumë arsye që të fillosh të besosh tek vetja?
Marrë nga bota.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
