Të gjithë e kërkojnë dashurinë. Por për disa arsye, dikush e ka më të vështirë. Për femrat vjen edhe më ndryshe ky kontekst. Nëse je njëra prej tyre, ndoshta ky artikull mund t’ju ndihmojë të kuptoni pse-të.
- GRATË E FORTA NUK KËNAQEN ASNJËHERË
Kanë pritshmëri dhe standarde shumë të larta, madje edhe kur pëlqejnë dikë, zgjedhin të largohen nëse burri nuk i trajton siç duhet. Dinë saktësisht se çfarë lloj personi meritojnë dhe nuk bëjnë kompromis për asgjë në botë.
- KËTO GRA NUK KANË FRIKË TA THONË ATË QË MENDOJNË
Nuk kanë frikë të pyesin një person tjetër për gënjeshtrat që thonë ose për gjërat që kanë bërë keq. Dinë si të mbrohen. Kjo është një tjetër arsye pse këto gra shpesh janë etiketuar si “frikësuese”.
- NJË GRUA E FORTË NUK KA “NEVOJË” PËR NJË BURRË
Mund të ndiejë nevojën për dashuri dhe mbështetje në jetën e saj, por kurrë nuk ka nevojë për një burrë që të ndihet e plotësuar. Dashuria, është gjithmonë një opsion për të, jo diçka të cilës t’ia ketë nevojën për të mbushur zemrën e saj të vetmuar.
- NJË GRUA E FORTË DI SE SI TË ECË PËRPARA
Ajo e di kur gjërat marrin fund, dhe nuk do të jetë kurrë ajo që do të lutet apo të japë ndonjë shans të dytë. Dhe kjo grua e fortë e bën këtë, sepse gjithmonë ka siguri tek mbijetesa dhe se jeta ka rezervuar diçka më të mirë për të.
- GRATË E FORTA NUK TOLEROJNË TË TRAJTUARIT SI NJË ZGJIDHJE
Nuk e lejojnë. Këto gra vlerësojnë përkushtimin e plotë dhe çdo gjë tjetër më pak se kjo është gjithmonë një faktor vendimtar.
- NJË GRUA E FORTË NUK LUAN SIPAS RREGULLAVE, AS NË JETË, AS NË DASHURI
Nuk kufizohen vetëm në standardet e vendosura nga shoqëria. Mund të habiteni nga kuraja e saj dhe natyra guximtare. Ajo nuk do të ketë kurrë turp për të bërë gjithçka ka fuqi për të arritur atë që do në të vërtetë.
- NJË GRUA E FORTË DI SI TË PËRBALLET ME REFUZIMIN
Nuk ka frikë të dëgjojë një “jo”. Një grua e fortë përballon shumë refuzime në jetë sepse ka kurajën të shkojë përpara dhe të vazhdojë jetën. Refuzimet nuk bëjnë gjë tjetër veçse e bëjnë atë më të fortë.
- GRATË E FORTA PRIREN NGA PYETJET E VËSHTIRA
Do t’i kërkojnë një burri të gjitha pyetjet që shpesh kërkon t’i shmangë. Do ta pyesin se si e mendojnë marrëdhënien dhe çfarë dëshirojnë në të ardhmen. Do ta pyesin nëse mund t’i njohë miqtë dhe familjen e tij, për t’u përfshirë më shumë në jetën e saj. Këto gra janë kureshtare dhe të pasionuara për gjithçka që jeta ka për të ofruar.
- GRATË E FORTA JANË ZHGËNJYER, SEPSE DIKUSH NË TË KALUARËN U KA THYER ZEMRA
Mund të duken të pathyeshme. Po, janë dashuruar më parë, por kanë vuajtur. Por, ky zhgënjim në zemrën e tyre i ka bërë më të mençura dhe guximtare.
- NJË GRUA E FORTË NUK KA NEVOJË PËR PRANIM NGA PERSONAT QË E RRETHOJNË
Ato ka thjesht nevojë të arrijë suksesin, në punën që ka, tek miqësitë dhe në mënyrën se si e jeton jetën. Kjo grua e di që personi i duhur do të vijë në kohën e duhur.
Përgatiti: Orjona TRESA | Botuar në Revistën “Psikologjia”, Nr. 134
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
