Ka hyrë diçka në sy?
Kur diçka hyn në sy, një grimcë e papastërtisë, pluhurit, qepalla, syri prodhon më shumë lot për ta shpërndarë atë. Edhe gjërat që janë shumë të vogla për t’i parë, si grimcat në tym ose kimikatet në qepë, shkaktojnë këtë reagim. Sapo problemi të jetë zhdukur, sytë ndalojnë lotimin. Por ka edhe probleme të tjera të syve dhe çështjet e shëndetit mund t’ju bëjnë të lotoni më shpesh.
Tharja e syve
Ju mund të keni këtë problem sepse trupi juaj nuk prodhon lot, sepse ato thahen shumë shpejt ose nuk kanë ekuilibrin e duhur të ujit, vajrave dhe mukusit. Ka shumë faktorë që mund ta shkaktojnë, nga ditët me erë deri te kushtet mjekësore. Cilido qoftë shkaku, sytë reagojnë duke lotuar më shumë.
Skuqje e syve (Konjuktivit)
Ky është një shkak i zakonshëm i lotimit të syve për fëmijët dhe të rriturit. Mund të bëjë që një ose të dy sytë të duken të kuq dhe të ndjesh kruajtje dhe të ashpër, ashtu si të kesh rërë në to. Infeksionet me baktere ose viruse janë shkaku më i zakonshëm. Infeksionet virale nuk kanë nevojë për trajtim, por nëse është bakteriale ju keni nevojë për antibiotik.
Alergjia
Lotimi i syve shpesh shoqërohet me kollë, hundë të lëngshme dhe simptoma të tjera klasike të alergjisë. Por ndodh që të ketë alergji vetëm syri. Në zgjidhjen e këtij problem ndihmojnë medikamentet alergjike, pika sysh, dhe shmangia e shkakut tuaj – si polen, myk.
Bllokim i kanalit të lotit
Zakonisht, lotët rrjedhin nga gjëndrat e lotit mbi syrin tuaj, përhapen në sipërfaqen e syrit dhe derdhen në kanale në qoshe. Por në qoftë se kanalet bllokohen, lotët rriten dhe sytë tuaj fryhen. Ka shumë faktorë që mund ta shkaktojnë këtë problem, si infeksione, lëndime, madje edhe plakje.
Problemet e qepallës
Qepallat janë si fshirëse të xhamave. Kur ju përplasni qepallat, ato përhapin lot në sy dhe pastrojnë pamjen. Por ndonjëherë ato nuk punojnë mirë. Rënia në brendësi e qepallave mund të fshijnë syrin, një problem i quajtur entropion. Ose dalin jashtë dhe quhen ectropion, kështu që kapakët nuk fshijnë gjithë syrin kur ju im përplasni. Në këtë rast kirurgjia mund të jetë një zgjidhje.
Gërvishtje në sy
Pisllëku, rëra dhe lentet e kontaktit mund të gërvishtin jashtë syrit tuaj, të quajtur cornea. Nëse kjo ndodh, syri yt mund të shqyhet, lëndohet, të duket i kuq dhe të jetë i ndjeshëm ndaj dritës. Zakonisht këto gërvishtje shërohen brenda një ose dy ditësh, por është e rëndësishme që të kontaktoni një mjek nëse mund të keni një gërvishtje të kornesë, pasi mund të keni nevojë për trajtim, për të parandaluar një infeksion.
Kath në sy
Ata mund t’i bëjnë sytë tuja të lotojnë, por simptomat e tjera janë zakonisht më të dukshme, si një gungë e fryrë, e kuqe, e dhimbshme përgjatë qepallës tuaj. Shkaku i tyre janë bakteret dhe një kath largohet vetë brenda pak ditësh. Mos u përpiqni ta ngacmoni atë si një puçërr, pasi do të përhapni infeksionin. Një kompresë e ngrohtë në syrin tuaj mund të lehtësojë dhimbjen.
Problemet e qerpikëve
Keni pasur një qime vetulle që ritet në një kënd të çuditshëm? E njëjta gjë mund të ndodhë dhe me qerpikët tuaj. Nëse rriten jo në vendin e duhut ata do të ndikojnë në sytë tuaj. Është quajtur trichiasis, dhe kjo mund të ndodhë pas infeksioneve, lëndimeve apo problemeve të tjera. Për t’u lehtësuar nga ky siklet, mjeku mund të heqë qerpikun ose ta çojë në drejtimin e duhur.
Blefriti
Kjo gjendje i bën qepallat të fryhen, zakonisht pranë qerpikëve. Sytë tuaj mund të djegin dhe të lotojnë, të jenë të skuqur, të keni kruajtje dhe dhimbje. Shumë gjëra mund ta shkaktojnë atë, si infeksionet dhe alergjitë.
Problemet me gjëndrat e vajit
Gjëndra të vogla në buzë të qepallës tuaj, të quajtur gjëndra meibomiane, prodhojnë vajra që ndihmojnë të mbani sytë tuaj të shëndetshëm. Ata ndalojnë sytë tuaj që të thahen shpejt dhe të krijojnë një pengesë që mban lotët. Por në qoftë se këto gjëndra bllokohen dhe nuk prodhojnë vaj të mjaftueshëm, syri juaj irritohet dhe loton. Kompresat e ngrohta në sy janë një mënyrë për të ndihmuar gjëndrat të punojnë përsëri normalisht.
Shkaqe të tjera
Shumë kushte mjekësore mund të shkaktojnë lotim të syve, si paraliza e Bell, sindromi i Sjogrenit, infeksione kronike të sinusit, probleme të tiroides dhe artriti reumatoid. Pra, mund të bëhen trajtime mjekësore si kimioterapia ose rrezatimi. Nëse sytë tuaj lotojnë shpesh dhe ju nuk e dini pse, kontaktoni mjekun tuaj. Trajtimi mund t’ju ndihmojë të ndiheni më mirë dhe të shihni qartë përsëri.
Përgatiti: Brikela Daci / Burimi / https://www.webmd.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
