Në një postim në rrjetin social Facebook, psikologia Denata Toçe zgjon vëmendjen që duhet të tregojë secili prej nesh karshi mbrojtjes së figurës së fëmijës të përdoret për qëllime reklamimi, e shumë më tepër se kaq, për qëllime politike.
Denata Toçe
Psikologe Këshillimi
“Mjaft përdorët fëmijët për reklamimin e ‘ndjeshmërisë’ dhe ’empatisë’ farse që ju karakterizon, sidomos në fushata elektorale”. Denata Toçe ka thumbuar në këtë rast Ministren e Shëndetësisë në një dalje publike me dy fëmijë në një prej njësive bashkiake të kryeqytetit. Toçe vijon duke thënë se: “Padiskutim mund të takohet me grupet e interesit, me adultë që zgjedhin të jenë pjesë e punës së tyre, madje dhe të bëjë foto me fëmijët (me lejen e prindit), por në asnjë rast, e theksoj, në asnjë rast nuk mund të publikojë në media apo rrjete sociale fotot e tyre”.
Psikologia Denata Toçe rendit si pika kyçe të shkeljes së të drejtave të fëmijëve.
E para, keni shkelur të drejtat e fëmijëve.
E dyta, jeni në shkelje të plotë të etikës për përdorimin e fëmijëve në media dhe e treta, keni shkelur rregullat zgjedhore. Duket se ju është regjur lëkura, duke abuzuar mbi të drejtat e njeriut apo ligjin, por kur vjen puna te fëmijët, e keni qelbur fare. Mjaft më!
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
