Gjumi ka një rol vendimtar për mirëqenien tonë, ai është rigjenerues dhe qetësues, është i rëndësishëm që të filloni të përballeni me një ditë të re në mënyrën më të mirë dhe të gjitha këto sepse është thelbësore për funksionimin e duhur të disa proceseve metabolike, imune dhe konjitive.
Fatkeqësisht, shumë faktorë ndikojnë në cilësinë e gjumit, një mënyrë jetese intensive, stresi dhe çrregullimet e të ngrënit mund të prishin funksionet normale të gjumit dhe të rezultojnë në vështirësi për të fjetur dhe ulje të cilësisë së gjumit. Por a e dini se konsumimi i ushqimeve të caktuara mund të ndikojë pozitivisht në cilësinë e gjumit tuaj? Nëse keni probleme të flini ose zgjoheni disa herë gjatë natës, zgjidhni këtë pije për një gjumë qetësues.
Qumësht me banane dhe kanellë për një gjumë rigjenerues
Ekspertët rekomandojnë të flini mesatarisht 7 orë në natë edhe pse orët optimale të gjumit mund të ndryshojnë nga personi në person bazuar në moshën dhe gjininë.
Gjumi i shkurtër ose i një cilësie të dobët mund të ndikojë negativisht në mirëqenien e një individi, duke rezultuar në mungesë gatishmërie dhe energjie dhe humor të keq gjatë ditës. Nëse shqetësimet e gjumit ndodhin me kalimin e kohës, trupi mund të zhvillojë sëmundje të caktuara. Sipas një studimi të fundit, mungesa e gjumit do të ketë të njëjtat efekte si dehja.
Çfarë lidhje ka dieta dhe gjumi?
Ju me siguri do të keni dëgjuar proverbën e njohur që këshillon “të hani si një mbret në mëngjes, si një princ në mesditë dhe si një i varfër në mbrëmje”. Kjo mënyrë nuk ju ndihmon vetëm të humbni peshë. Kequshqyerja dhe ngrënia shumë, veçanërisht në mbrëmje, mund të dëmtojë cilësinë e gjumit duke stresuar sistemin tretës.
Ushqimet e pasura me yndyrna dhe proteina mbinxehin trupin dhe kërkojnë një kohë më të gjatë tretjeje e cila mund të vonojë ose prishë gjumin. Prandaj, nevojitet një ushqyerje e mire për një gjumë sa më të qetë dhe shplodhës. Duke marrë parasysh sasinë dhe cilësinë e ushqimit të konsumuar ju mund të flini më mirë, pasi melatonina, që njihet zakonisht si “hormoni i gjumit”, sekretohet nga veprimi i serotoninës. Kjo e fundit mund të prodhohet nga një aminoacid, triptofani, i cili gjendet në ushqime specifike.
Ilaçi natyral për gjumin optimal
Përbërësit:
– Një banane
– Një majë luge kanelle (opsionale)
– Një filxhan me ujë
Mundësisht zgjidhni produkte organike për të shmangur konsumimin e pesticideve dhe kimikateve të tjera.
Përgatitja:
Ngrohni ujin në një tigan dhe shtoni bananen e qëruar. Me pas hiqeni nga nxehtësia, shtoni një majë luge kanellë. Konsumojeni këtë pije një orë para se të shkoni në shtrat për të shijuar të gjitha përfitimet e saj.
Pse kjo pije garanton një gjumë të mirë?
Bananet janë të pasura me karbohidrate dhe përmbajnë vitaminë B6, kalium, magnez dhe fibra. Bananet njihen si pilula gjumi natyrale për shkak të vetive të tyre të shumta. Magnezi më të cilin banania është e pasur, rrit sekretimin e melatoninës, hormonit të gjumit dhe ul nivelin e kortizolit, hormonit të stresit. Prandaj banania lehtëson periudhat e gjumit dhe zgjimit gjatë natës. Në fund, triptofani që gjendet në banane rrit kohëzgjatjen e gjumit tek njerëzit me pagjumësi të butë deri të moderuar.
Burimi / https://www.chedonna.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
