Në shkencën e shëndetit mendor frika nga plakja njihet me emrin gerontofobia, prej së cilës preken gjerësisht në botë njerëz të shtresave të ndryshme sociale.
Për ata që preken nga gerontofobia, vihet re një rezistencë e pajustifikueshme si në mendime, por edhe në veprime ndaj një procesi natyral të jetës, siç është procesi i plakjes. Kjo rezistencë shfaqet në forma të ndryshme si:
- Abuzimi me kirurgjinë plastike në shumë tipare trupore, në mënyrë që të mbulojë shenjat e plakjes
- Përdorimi i ngjyrave të ekzagjeruara në flokë
- Sjellje për t’u dukur të rinj si: mënyra e të qeshurit, të ecurit, e folura dhe zëri
- Mendime irracionale si: jeta është e padrejtë dhe e shohin të kaluarën me keqardhje
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
