Bashkimi bën fuqinë! Kjo është një shprehje që gjen vend edhe në kuzhinë, sidomos në rastin e hudhrës dhe limonit. Kura e mëposhtme me limon dhe hudhër mund të pastrojë organizmin dhe të parandalojë sëmundjet.
Përfitimet e kurës me hudhër dhe limon
Kura me limon dhe hudhër është efikase në eliminimin e depozitave të yndyrës në organizëm. Këto përbërës ulin kolesterolin e keq dhe pakësojnë numrin e triglicerideve në gjak.
Limoni dhe hudhra parandalojnë trombozën dhe ulin tensionin e gjakut.
Së bashku ato përmirësojnë funksionet e mëlçisë dhe aftësinë e saj për të pastruar gjakun. Për më tepër, limoni me hudhrën përmirësojnë funksionin e veshkave dhe qarkullimin e gjakut.
Sistemi imunitar është më i fortë ndërkohë që hudhra dhe limoni parandalojnë radikalet e lira. Qelizat janë më të mbrojtura dhe plot gjallëri falë antioksidantëve që gjenden tek limoni dhe hudhra.
Kura me hudhër me limon duhet përdorur në këto raste:
Kura pastruese rekomandohet për të parandaluar sëmundjet ose për të pastruar organizmin. Ajo duhet shfrytëzuar një herë në vit. Kjo kurë është shumë e dobishme nëse vuani nga problemet e mëposhtme:
- Mbipesha
- Ishemia
- Sinoziti
- Sëmundjet e rrugëve të frymëmarrjes
- Dhimbjet e kokës
- Artriti
- Reumatizma
- Gastriti
- Hemorroidet
- Problemet me shikimin dhe dëgjimin
- Anemia
Përbërësit për përgatitjen e recetës:
- 4 limonë
- 4 thelpinj hudhër
- 3 litra ujë të zier të ngrohtë
Zgjidhni limonë organikë që ta përdorni me gjithë lëkurën e pastër dhe të paprekur nga pesticidet.
Përgatitja:
Qëroni hudhrat, merrni 4 thelpinj dhe ndajini thelpinjtë në gjysma. Lajini limonët me ujë të bollshëm dhe prijini në copa të vogla. Hidhini në një enë me ujë të ngrohtë të zier paraprakisht, dhe të gjithë masën ndajeni në kavanoza qelqi. Mbyllini kapakët dhe futini në frigorifer për tre ditë. Më pas kullojeni lëngun dhe futeni sërish nëpër kavanoza në frigorifer.
Si ta konsumoni?
Në ditët e para duhet të merrni nga një lugë gjelle, gjysmë ore përpara çdo vakti. Nëse nuk vini re ndonjë efekt anësor atëherë duhet ta rrisni dozën në dy lugë e më shumë deri sa të arrini të konsumoni 50 ml tre herë në ditë. Kjo kurë duhet të zgjasë për 40 ditë.
Kjo kurë është pastruese dhe në ditët e para mund të përballeni me simptoma si sekrecione ose dhimbje koke. Këto simptoma janë normale sepse tregojnë se trupi po largon toksinat.
Burimi / tvklan.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
