Fëmijët përjetojnë emocione por nuk mund t’u vendosin një emër. Për këtë arsye, shkolla ka gjithashtu për detyrë t’i edukojë mbi emocionet
Ka fëmijë pak a shumë emocionalë, ata që eksternalizojnë ndjesitë e tyre dhe ata që i mbajnë brenda, por të gjithë ndiejnë emocione. Ato janë një pjesë thelbësore e jetës sonë dhe për këtë arsye është gjithashtu e rëndësishme të kemi sukses në detyrën e edukimit për emocionet në shkollë.
Fëmijët, madje edhe ata të moshës parashkollore, duhet të fillojnë të menaxhojnë emocionet e tyre. Por para këtij hapi ata gjithashtu duhet të dinë t’i njohin ato dhe të mos tremben nga ato që ndiejnë. Detyra e prindërve dhe mësuesve është t’i ndihmojë ata të eksplorojnë emocionet e tyre, qofshin ato pozitive apo negative.
Ata duhet të dinë se si e kanë emrin, madje edhe para se të përballen dhe të jetojnë me to, sepse në thelb të gjithë e dimë se çfarë do të thotë t’i provosh. Por a jemi të sigurt që i njohim mirë? Ndërkohë, emocionet ndahen në parësore dhe dytësore: të parat përfaqësojnë një reagim automatik, i cili lind nga instikti, tek stimujt e jashtëm dhe janë gjithashtu të njëjtë për të gjithë.
Ne po flasim për zemërimin, i cili lind nga zhgënjimi dhe mund të çojë në agresion, për frikën, e cila prodhon instiktin për mbijetesë, por edhe befasinë, kur ndodh një ngjarje e papritur (e mirë apo e keqe), trishtimin dhe gëzimin. Sidoqoftë, midis emocioneve kryesore ka edhe neveri, kur vërtet nuk na pëlqen diçka, dhe përbuzje, kur shohim një veprim ose një person që vërtet na shqetëson.
Emocionet dytësore në vend të kësaj janë një kombinim i atyre primare dhe arrijnë më vonë, me pjekjen, rritjen. Ato janë më komplekse, prandaj duhet edhe më shumë kohë për tu përpunuar.
Edukimi për emocionet në shkollë, zbulimi i një bote të re për fëmijën
Atëherë, çfarë roli luan familja dhe shkolla në edukimin për emocionet? Ekspertët theksojnë se përjetimi i emocioneve pozitive gjatë fëmijërisë është i dobishëm për zhvillimin e një personaliteti të hapur ndaj të tjerëve, ekstrovertë, të cilët mendojnë pozitivisht. E kundërta ndodh nëse emocionet negative mbizotërojnë që në moshë të hershme.
Sidoqoftë, ekziston edhe një edukim emocional që do t’i lejojë fëmijët të mësojnë se si të menaxhojnë më mirë gjendjet e tyre emocionale, duke rritur ndjenjat pozitive. Disa shembuj konkretë? Mos i theksoni konfliktet duke kërkuar gjithmonë një zgjidhje, por gjithashtu zvogëloni frustrimet duke premtuar një shpërblim nëse gjithçka shkon mirë.
Roli i shkollës është thelbësor për edukimin emocional, domethënë aftësinë për të njohur dhe për të mos somatizuar emocionet, për t’i shprehur ato pa kufizime, për t’i bërë ato një mjet për t’u njohur dhe për të njohur njëri-tjetrin.
Burimi / https://www.chedonna.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
