Rrezet X janë skanime të njohura të imazheve që përdoren çdo ditë për të diagnostikuar problematika të ndryshme mjekësore brenda pacientëve. Historia e tyre nuk është interesante sigurisht. Këtu janë 5 fakte rreth rrezeve X që do të doni t’ua bëni me dije miqve tuaj:
1.Bariumi përdoret shpesh në testim
Bariumi është një substancë që përdoret shpesh me rrezet X. Është një substancë shkumës që pihet përpara se të bëhen rrezet X. U zbulua në vitin 1808 nga një kimist i quajtur Sir Humphrey Davey. Ishte elementi i 56-të në tabelën periodike dhe zbulohet se thith mirë rrezet Z për të siguruar imazhe të sakta. Kjo i mundëson mjekut të bëjë një diagnozë të saktë.
2.Rrezet X ndihmuan në zbulimin e strukturës së ADN-së
Rrezet X ndihmojnë në të kuptuarit më shumë rreth strukturës së ADN-së dhe formës së saj spirale. Kjo erdhi për shkak të një teknike të quajtur kristalografi me rreze X e cila lejon rrezet X të kërcejnë jashtë atomeve 3D duke përdorur rrjetën kristalore. Gjatë viteve 1950, një studiues britanik me emrin Rosalind Franklin bëri foton e parë që zbuloi strukturën e ADN-së. Sidoqoftë, ajo ndërroi jetë para se të merrte kredi për zbulimin.
3.Rrezet X u përdorën menjëherë kur u zbuluan
Kirurgët evropianë përdorën rrezet X brenda disa javësh nga zbulimi. Ata i përdorën ato për të gjetur plumba dhe sende të tjera brenda trupit të njeriut. Një mjek në të vërtetë gjeti një gjilpërë në dorën e një gruaje! Vitin e ardhshëm rrezet X u përdorën në Shtetet e Bashkuara për të diagnostikuar frakturat e kockave dhe u krijua gjithashtu edhe një departament në Glasgow Royal Infirmary.
4.Rrezet X kanë revolucionarizuar trajtimin e tuberkulozit dhe shkatërrojnë qelizat e kancerit
Rrezet X ndihmuan mjekët të diagnostikojnë më herët tuberkulozin. Rrezet X lejuan mjekët të shohin hijet dhe njollat në mushkëritë e pacientit të cilat ishin shkaktuar nga bakteret e tuberkulozit. Rrezet X u përdorën për pacientët në ushtri, fabrika dhe miniera, duke shpëtuar shumë jetë për shkak të informacionit inteligjent të ofruar. Ju do të habiteni, por në ditët e para disa mjekë përdorën rrezet X për të djegur nishanet dhe shtimin e tyre në lëkurën e pacientit.
5.William Roentgen nuk i patentoi rrezet X
William Roentgen nuk i patentoi rrezet X. Ai nuk donte që përdorimi i rrezeve X të ishte i kufizuar për pacientët. Roentgen pa vlerën e shpikjes së tij dhe donte që të gjithë të përfitonin, jo vetëm mjekët dhe shkencëtarët. Në përgjithësi përdorimi i rrezeve X përdoret më gjerësisht për trajtime të ndryshme dhe më i përballueshëm për pacientët për shkak të tij.
Përgatiti Gea Veizi, maturante, gjimnazi “P.N.Luarasi” / Burimi bicrad.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
