Rreziku i femrave nga sëmundjet kronike të veshkave

Sëmundjet kronike të veshkave (SKV) janë një problem në mbarë botën, me rezultate të cilat çojnë në insuficiencë renale dhe vdekje të parakohshme. SKV-të prekin afërsisht 195 milionë gra në mbarë botën, dhe aktualisht janë shkaku i tetë i vdekjeve te gratë, me përafërsisht 600.000 vdekje çdo vit.

Rreziku për zhvillim të SKV-ve është i njëjtë, si te burrat ashtu dhe te gratë, por këto të fundit mund ta kenë pak më të lartë. Sipas disa studimeve, SKV-të kanë më tepër gjasa të ndodhin te femrat krahasuar me meshkujt, me një prevalencë mesatare 14 % te femrat dhe 12 % te meshkujt. Megjithatë, numri i femrave që bëjnë dializë apo janë në dializë është më i ulët se numri i meshkujve.

Në Ditën Botërore të Veshkave dhe Ditën Botërore të Gruas, të cilat organizohen në të njëjtën ditë këtë vit, jepet mundësia për të reflektuar mbi rëndësinë e shëndetit të femrave dhe më specifikisht për shëndetin e veshkave. Në përvjetorin e 13-të, Dita Botërore e Veshkave promovon qasje të barabartë e të përballueshme për edukim shëndetësor, kujdes shëndetësor dhe parandalim për sëmundjet e veshkave për të gjitha gratë dhe vajzat në botë.

Si t’i zbulojmë SKV-të?

Fillimet e hershme të SKV-ve nuk kanë shenja të sëmundjes. Individët mund të humbin rreth 90% të funksionit të veshkave pa shfaqje të shenjave klinike. Por mund të zbulohen me anë të një testi të thjeshtë:

Analizë urine për të parë praninë e proteinave në urinë;

Test gjaku për të matur nivelin e kreatininës në gjak.

Shenjat e avancimit të SKV-ve janë:

Këmbë të ënjtura

Lodhje

Vështirësi në përqendrim

Ulje oreksi

Urinë me shkumë.

8 rregullat e arta për të reduktuar rrezikun

Sëmundjet e veshkave janë vrasës të heshtur që ndikojnë në cilësinë e jetesës suaj. Megjithatë, ka disa mënyra të thjeshta për të reduktuar rrezikun e zhvillimit të sëmundjeve të veshkave.

– Qëndroni në formë dhe bëhuni aktive

– Mbani nën kontroll nivelin e glukozës në gjak

– Monitoroni tensionin arterial

– Ushqehuni shëndetshëm dhe mbani nën kontroll peshën tuaj

– Konsumoni lëngje të shëndetshme

– Mos pini duhan

– Mos përdorni rregullisht kontraceptivët.

Kontrolloni funksionimin e veshkave tuaja, nëse keni një ose më shumë faktorë të lartë rreziku për SKV:

– Keni diabet

– Keni hipertension arterial

– Jeni obez

– Një nga prindërit ose prej familjarëve vuan nga SKV-të.

Burimi / ata.gov.al

Artikuj të ngjashëm