Lidhja mes depresionit dhe mediave sociale është objekt diskutimi prej kohësh. Studiuesit e Universitetit të Pennsylvania-s kanë arritur të vërtetojnë për herë të parë se mes Facebook-ut, Snapchat-it dhe Instagram-it ka një lidhje që ndikon në uljen e mirëqenies.
Studimi ka përfshirë një grup studentësh, duke mbledhur të dhënat e marra nga programet që ata kishin në aparatet e tyre. Në një fazë të parë, të gjithë pjesëmarrësit plotësuan një pyetësor për të përcaktuar humorin dhe mirëqenien e tyre. Më tej ata ndanë me studiuesit informacione rreth përdorimit javor të programeve të ndryshme.
Nga rezultatet doli në pah se sa më pak përdorim i rrjeteve sociale do të thotë më shumë mirëqenie. Këto rezultate nuk sugjerojnë që të heqim dorë menjëherë nga rrjetet, por mund të krijohen programe që mund të kushtëzojnë përdorimin e rrjeteve sociale.
Përgatiti: Manjola EREQI | Botuar në Revistën “Psikologjia”, Nr. 139
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
