Salsiçet janë ushqimi më i njohur i shpejt në Amerikë dhe vetëm atje konsumohen rreth 7 miliardë salsiçe gjatë verës. Por, pavarësisht se sa i shijshëm është ky ushqim, salsiçet janë me të vërtetë shumë të dëmshme për shëndetin.
Zakonisht ato prodhohen nga mishi pulës, mishi i lopës dhe i derrit, por procesi i prodhimit përfshin edhe shtimin e shumë mbetjeve të kafshëve si këmbët, lëkura, dhjami, kthetrat etj. Aditivët si shurupi i misrit, kripa dhe shumë të tjerë shtohen për ta përmirësuar shijen, gjë e cila ndryshon nga shteti në shtet.
Gjëja më e keqe është se disa nga shijet, të cilat shtohen gjatë procesit të prodhimit vijnë nga guaskat e insekteve të vogla që zihen në karbonat sodiumi dhe amoniak. Megjithatë, asnjëherë nuk mund të jemi të sigurt për përbërësit që përdoren për krijimin e salsiçeve, pasi që asnjëherë nuk shkruhen saktësisht në pakot e shitjes.
Sipas hulumtimeve të kryera në Universitetin e Hawait, konsumimi i salsiçeve e rrit rrezikun e kancerit të pankreasit deri në 67%. Mishi i prodhuar thuajse gjithmonë përmban përbërës, si nitratet, të cilat janë substancë që kanë dëshmuar se e rrisin rrezikun e kancerit në stomak, fshikëz, pankreas etj.
Siç pohon edhe American Institute For Cancer Research, vetëm një salsiçe në ditë e shton rrezikun e kancerit kolorektal me 21%. Bëni mirë ta shmangni këtë produkt nga tryezat tuaja, sado i shijshëm t’ju duket për momentin. Mendoni në mënyrë afatgjatë për veten tuaj. Jeta juaj varet shumë nga produktet që konsumoni, ndaj tregoni kujdes.
Burimi / Bota.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
