Humbja e peshës së tepërt është një proces i mundimshëm, por edhe i kënaqshëm në të njëjtën kohë. Kjo për shkak se ul riskun e prekjes nga një sërë sëmundjesh dhe ju ndihmon të ndiheni më mirë. Gjithsesi njerëzit që kanë ulje të mëdha në peshë përballen me një tjetër problem që është ai i lëkurës së varur. Kjo mund të ndikojë në pamjen tuaj dhe të kthehet në një shqetësim të përditshëm.
Në këtë artikull shpjegohen shkaqet e lëkurës së varur dhe ushqimet natyrale që ju ndihmojnë ta tonifikoni atë.
Çfarë e shkakton varjen e lëkurës?
Siç thuhet shpesh lëkura është organi më i madh i trupit që e mbron atë nga kërcënimet e jashtme. Lëkura juaj përbëhet më së shumti nga proteina si kolagjeni apo elastina. Në këtë përzierje ai që merr peshën më të madhe është kolagjeni që mbulon 80% të lëkurës duke i dhënë asaj rini. Ndërsa elastina e ndihmon lëkurën tuaj të qëndrojë gjithnjë e tonifikuar.
Gjatë shtimit në peshë lëkura zgjerohet për t’i bërë vend dhjamit që shtohet në trup. Kjo mund të ndodh gjatë shtatzënisë apo shtimit të madh në peshë nga faktorë të ndryshëm. Kur lëkura zgjerohet për kohë të gjata ajo fillon të përshtatet me trupin e ri e për pasojë kolagjeni dhe elastina dëmtohen. Duke humbur kështu vetitë e tyre rinuese dhe tonifikuese që i dhurojnë lëkurës.
Kjo mund të kthehet në problem kur një person humb kile të mëdha menjëherë. Pasi nëse dy proteinat kryesore të lëkurës janë të dëmtuara ajo nuk do të mund të kthehet përsëri në vend, por do të qëndrojë e varur.
Faktorët që ndikojnë elasticitetin e lëkurës:
Në mënyrën se si trupi arrin të përshtatet apo elasticizohet ndikojnë shumë faktorë që i gjeni të renditur më poshtë.
Periudha kohore
Ndër to rendisim periudhën kohore që trupi ka qenë mbi peshë pasi sa më e gjatë të jetë ajo aq më shumë e ndikon lëkurën.
Pesha
Pesha sigurisht është faktori kryesor në këtë proces. Personat që janë mbi peshë dhe humbin më shumë se 30 kg do të kenë më shumë probleme me lëkurën edhe pas dobësimit.
Mosha
Lëkura arrin të prodhojë kolagjen deri në një moshë të caktuar, deri në të 25-at. Kështu që lëkurat më të vjetra që prodhojnë më pak kolagjen kanë tendencë të varen më shpejt.
Gjenetika
Gjenet janë një faktor që mund të ndikojë në mënyrën se si fitoni peshë dhe e humbni atë.
Shfaqja në diell
Ekspozimi i vazhdueshëm dhe i pambrojtur në diell ka treguar se ul sasinë e prodhimit të kolagjenit dhe elastinës.
Metoda natyrale për të tonifikuar lëkurën:
Këto metoda natyrale do të rrisin nivelin e elastinës dhe kolagjenit dhe ndihmojnë tonifikimin e trupit tek njerëzit që kanë humbur më pak se 30 kg.
Më poshtë do të gjeni një listë me ushqime që ndihmojnë trupin të tonifikohet lehtë dhe shëndetshëm.
Proteina
Proteinat e duhura janë shumë të rëndësishme për një lëkurë të shëndetshme. Ndër ushqimet më të pasura me proteina përfshihen:
- Vezët
- Bajamet
- Gjoksi i pulës
- Kosi
- Brokoli
- Djathi
Vitamina C
Vitamina C është një burim shumë i mirë për prodhimin e kolagjenit, gjithashtu ndihmon edhe në mbrojtjen nga dielli.
Ushqimet kur do të gjeni shumë vitaminë C janë:
- Kivi
- Luleshtrydhe
- Specat djegës
- Portokalli
- Lulelakra
- Domatet
- Specat jeshil
- Lakra
Yndyrnat Omega – 3
Studime të shumta tregojnë se yndyrnat omega 3, sidomos ato që ndodhen tek peshku ndihmojnë në rritjen e kolagjenit. Ushqimet më të pasura me omega- 3 janë:
- Sardelet
- Vezët
- Arrat
- Farat e kungullit
- Salmoni
Përveç këtyre ushqimeve këshillohet të qëndroni gjithnjë të hidratuar dhe të pini shumë ujë. Uji është një nga mënyrat më të mira për ta mbajtur sa më butë lëkurën tuaj.
Aktiviteti fizik
Në rastet e varjes së lëkurës sugjerohet të bëni shumë ushtrime fizike rezistence. Sa më shumë të lëvizni aq më shumë lëkura juaj do t’i përgjigjet pozitivisht kësaj ndërhyrje.
Burimi / AgroWeb.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
