Si ta kuptoni a jeni shtatzënë? Për disa femra, simptomat më të hershme të shtatzënisë shfaqen në javët e para pas ngjizjes. Por, edhe para se të mos ju vijnë menstruacionet, ka disa simptoma të tjera që tregojnë se mund të jeni shtatzënë. Simptomat e shtatzënisë mund të dallojnë në bazë të intensitetit, shpeshtësisë dhe gjatësisë.
Gjinj të ënjtur
Gjinjtë janë prej simptomave të para të shtatzënisë. Vetëm pas dy jave që jeni shtatzënë, ndryshimet hormonale i forcojnë gjinjtë dhe i bëjnë më të mëdhenj.
Lodhja
Lodhja është në mesin e simptomave të hershme të shtatzënisë. Gjatë fazës së hershme të shtatzënisë, nivelet e progesteronit arrijnë kulmin. Në doza të mjaftueshme, progesteroni mund t’ju vë në gjumë. Në të njëjtën kohë, nivelet e ulëta të sheqerit në gjak, shtypjes së gjakut mund t’jua thithin energjinë gjatë shtatzënisë.
Marramendje me apo pa vjellje
Kjo mund t’ju ndodh në çfarëdo kohe të ditës apo natës dhe është një prej simptomave më klasike të shtatzënisë. Për disa femra, kjo shfaqet vetëm pas dy jave të ngjizjes.
Dhimbje koke
Herët në shtatzëni, rritja e qarkullimit të gjakut që shkaktohet nga ndryshimet hormonale mund të nxisin dhimbje të shpeshta koke. Përveç këtyre, simptoma të tjera të fillimit të shtatzënisë janë edhe kapsllëku, luhatja e humorit, etj.
Burimi / telegrafi.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
