Çdo marrëdhënie pa marrë parasysh sa e bukur mund të jetë, kalon përmes periudhës së dyshimit, zemërimit, dhimbjes dhe frustrimit. Më poshtë ju tregojmë disa shenja të një marrëdhënieje të shëndetshme, në mënyrë që të mund të kuptoni nëse ju e keni një të tillë.
Nëse keni qenë të martuar, jeni të martuar ose në një marrëdhënie, do ta dini se Maroon 5 kishte të drejtë në këngën e tij kur thoshte: “Nuk ka gjithmonë ylbere dhe flutura, por është kompromisi ai që na bën të ecim para.”
- Ju keni hapësirën tuaj personale.
Është e çuditshme por hapësira personale është çelësi për afërsinë, edhe pse të dyja duken aq paradoksale! Vetëm për shkak se jeni të dashuruar nuk do të thotë që jeta juaj lidhet në një mënyrë të atillë që ju të kaloni çdo orë të ditës së bashku. Është e nevojshme të kultivoni hobi, interesa dhe miqësi individualisht.
- Ju keni debate.
Të mos bini dakord do të thotë që ju keni gjëra të tjera që ju mbajnë afër. Është e shëndetshme që debati të zgjidhet në mënyrë të drejtë dhe në mënyrë të respektueshme. Qëllimi i kësaj është që të dilni nga ky debat duke e njohur partnerin tuaj më mirë dhe duke mos e dëmtuar marrëdhënien duke e ulur partnerin. Po ashtu të kërkosh falje kur je gabim është shumë e rëndësishme.
- Ju keni të njëjtat vlera thelbësore.
Kjo është shumë e rëndësishme për të shmangur ndjenjën se keni marrë një vendim të gabuar më vonë. Shumë njerëz mund të pëlqejnë apo t’i tërheqin persona të caktuar, por nëse ata janë ndryshe në besimet dhe vlerat e tyre kryesore, këto mund të ndikojnë që marrëdhëniet të vdesin pas përfundimit të fazës fillestare.
- Ju mësoni të anashkaloni ca gjëra.
Familjariteti nxit përbuzjen. Kjo do të thotë që ju do të mërzitni njëri-tjetrin. Ju do të bërtisni dhe do të luftoni gjithashtu. Ju do të mbani mend të gjitha herët që partneri ka bërë ose nuk ka bërë diçka dhe kështu do të ndërtoni raportin. Flisni për këtë dhe anashkalojini disa gjëra. Marrëdhëniet më të mira janë ato midis dy falënderuesve të mëdhenj.
- Ju në fakt e pëlqeni partnerin tuaj.
Përtej intimitetit dhe jetesës së vërtetë që ndani në martesë, është e rëndësishme që ta pëlqeni partnerin tuaj si një qenie njerëzore. A do të ishit miq me të nëse nuk do të ishit martuar?
- Ju jeni “e mirë”.
Nëse jeni duke trajtuar njerëzit që mezi i njihni me më shumë respekt, kujdes dhe dashuri sesa trajtoni bashkëshortin tuaj, duhet të pyesni veten pse po ndodh kjo. Partneri juaj meriton më të mirën prej jush.
- Ju dëshironi njëri-tjetrin.
Seksi është i rëndësishëm. Intimiteti është më i rëndësishëm! Intimiteti ka të bëjë me shoqërimin, lidhjen, të bësh shaka, të jesh familjar dhe të bësh disa gjeste të ngrohta për të cilat çdo qenie njerëzore ka nevojë. Një marrëdhënie e shëndetshme është një përzierje e kohëve të mira brenda dhe jashtë dhomës!
- Ju nuk keni sekrete.
Fshehtësia nuk është e drejtë. Nëse e ndieni nevojën për të fshehur gjëra nga partneri juaj, është një shenjë se komunikimi është i dobët mes të dyve, se ka mungesë respekti për angazhimin në martesë ose që nuk ndiheni mirë duke qenë në këtë marrëdhënie. Të gjitha këto gjëra janë të rrezikshme për marrëdhënien tuaj dhe sa më shpejt të trajtohen aq më mire për ju.
- Ju “flisni” me një mendje.
Ndjenja sikur nuk keni njeri me kë të flisni se partneri juaj nuk do të kuptojë atë që ju duhet të thoni është një nga ndjenjat e vetmisë. Një marrëdhënie e mirë është ajo ku ju dhe partneri juaj jeni një ekip dhe mund të bëni gjithçka për të ndihmuar të tjerët të ndihen më mirë, përfshirë edhe dëgjimin e tyre.
- Ekziston besimi tek njëri-tjetri.
Pasiguria ushqen dyshimet në çifte dhe çon në probleme më të mëdha. Mundohuni të mbani marrëdhënien tuaj aq të hapur dhe pa stres sa të mundeni për të shmangur problemet me besimin pasi këto kanë më shumë nevojë për t’u rifituar.
- Ju jeni aty për njëri-tjetrin.
Ndonjëherë dashuri është, thjesht të bëni diçka për njëri-tjetrin kur tjetri nuk mundet. Kjo do të thotë që nëse ju jeni e zënë dhe nuk mund të gatuani, partneri merr përsipër këtë detyrë. Në parim, ju gjithmonë doni ta bëni jetën më të lehtë për tjetrin.
- Marrëdhënia juaj është vendi ku ndiheni më e lumtur.
Në fund të ditës doni të vini në shtëpi tek partneri juaj dhe thjesht të çlodheni së bashku. Kur jeta është stresuese, e gjitha që mund të bëni është të qëndroni në krahët e partnerit dhe të ngushëlloheni. Kjo është një shenjë e madhe e një marrëdhënieje të shëndetshme.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
