Çdo marrëdhënie është një akt balancues mes hapësirës personale, mes personaliteteve, mes dëshirave dhe nevojave, midis kalimit të kohës së bashku dhe kohës së kaluar larg njëri-tjetrit.
Pasi marrëdhënia juaj ka kaluar nëpër fazën e “mjaltit”- ato javë ose muaj kur gjithçka ju doni të bëni është të kaloni kohë me njëri-tjetrin do të arrini një pikë ku koha e kaluar vetëm me partnerin mund të fillojë të ndjehet pak si shumë. Por mos u shqetësoni, marrëdhënia juaj nuk po përfundon! Ju sapo keni arritur në pikën ku hapësira juaj personale është kthyer përsëri në prioritet. Ekspertët tanë janë këtu për të treguar se sa e rëndësishme është një hapësirë e vogël personale.
Sipas tyre shpenzimi i kohës larg partnerit tuaj nuk do të thotë që nuk jeni më të dashuruar ose se nuk duhet të martoheni. Në vend të kësaj, kjo do të thotë që ju jeni duke marrë kohë për të vënë veten tuaj në plan të parë dhe të bëni gjëra që janë vetëm për ju – zgjedhje që do t’ju bëjnë të ndiheni mirë për veten, duke ju dhënë një mendim më të mirë për t’u kujdesur për marrëdhënien tuaj.
Duke lejuar një hapësirë të vogël personale në marrëdhënien tuaj do t’ju lejojë secilit prej jush që të ndiqni ëndrrat dhe qëllimet që keni. Edhe nëse ato nuk janë të njëjta për të dy. Ai mund të shkojë për një udhëtim me biçikletë, kurse ti mund të ushtrosh joga. Të kesh jetën tënde jashtë marrëdhënies të siguron që të mos harrosh identitetin tënd individual. Përkufizimi dhe qëndrimi i vërtetë për atë se kush jeni, sipas termave tuaj në vend të kontekstit të marrëdhënies tuaj, është jetësor për lumturinë tuaj personale dhe sa më e lumtur që të jesh me veten, aq më e lumtur do të jesh me partnerin tënd.
Mendoni për nevojat emocionale të të dyve: Për disa, kontakti i vazhdueshëm mund të krijojë ndjesinë e mbytjes në vend të dashamirësisë. Ndaj ju ose partneri juaj mund të keni nevojë për një kohë të shkurtër qetësie për të mos u lodhur emocionalisht. Njohja e asaj që ju duhet personalisht do të ndihmojë në vendosjen e marrëdhënieve tuaja për forcë dhe sukses të vazhdueshëm.
Dhënia e disa hapësirave personale mund t’ju japë gjithashtu një perspektivë më të mirë në marrëdhënien tuaj. Nëse keni një konflikt me të cilin duhet të merreni ose jeni duke planifikuar të ardhmen, të kesh kohë për veten do t’ju mundësojë të mendoni më shumë në lidhje me çfarëdo që të dy prej jush mund të kaloni. Ju mund të gjeni frymëzim diku tjetër, i cili mund të jetë i dobishëm në martesën tuaj ose thjesht të përfitoni pak nga koha e kaluar duke menduar ose duke bërë duke bërë diçka tjetër.
Prandaj mos kini frikë të kërkoni pak kohë për veten, nëse keni nevojë për të dhe mos harroni t’ja ofroni atë edhe partnerit juaj.
Burimi: HuffPost/ femratnews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
