Si duken narcisistët sot ?

Nga Jeta Toçila Shkurti
Psikologe ligjore

Narcisi, ishte djaloshi i bukur në mitologjinë greke me të cilin binin të gjithë në dashuri, por ai nuk ia hidhte sytë asnjërit prej tyre. Një ditë ai pa pasqyrimin e imazhit të tij në ujë dhe më në fund ra në dashuri me veten. Aq shumë i pëlqente vetja saqë nuk largohej nga liqeni derisa u mbyt aty, në mënyrë që të ishte sa më pranë imazhit të tij të bukur.

Nga miti në realitet

Për disa dekada narcisismi është njohur ndryshe si Magalomania ose egocentrizmi i rëndë. Në vitet ’70 u mendua të quhej çrregullimi i personalitetit narcisist. Në jetën e përditshme apo në atë publike ne mund të hasim personalitete të tillë. Keni dëshirë të njiheni me tiparet e tyre? Lexoni më poshtë:

Si duken narcisistët sot ?

Besojnë se janë më të mirë se të tjerët. I shohin njerëzit që i rrethojnë nga lart-poshtë.
Fantazojnë rreth pushtetit, suksesit dhe fuqisë tërheqëse që kanë ndaj të tjerëve- e shohin veten si superheronj. Ata mund të mendojnë se meritojnë një vend të vecantë në histori, apo se të gjitha femrat/meshkujt dashurohen me të.
Ekzagjerojnë arritjet dhe talentet e tyre-mund të thonë se janë fitues gjithmonë, apo do të ishin fitues të garave. Mund ta shesin veten si ish-sportisë të zotë, gazetarë, politikanë apo shkrimtarë të talentuar.
Presin lëvdata dhe admirime të vazhdueshme nga njerëzit që kanë pas vetes, për veshjen që bie në sy, për fjalët që thonë..etj.
Besojnë se janë specialë dhe sillen sikur të jenë dhurata e zotit për gratë/burrat/popullin e botën.
Nuk i kuptojnë emocionet dhe ndjenjat e të tjerëve dhe cuditen nga reagimet e tyre idiote.
Presin që të tjerët të mbështetin idetë dhe planet e tyre.
Përfitojnë prej të tjerëve, i përdorin ata, burimet e tyre.
Përcmojnë njerëzit që janë në pozita inferiore, tallen me varfërinë apo hallet e tyre.
Janë xhelozë ndaj atyre që fitojnë ndonjë cmim, që vlerësohen për dicka, i urrejnë dhe i mallkojnë.
Besojnë se edhe të tjerët kanë xhelozi ndaj tyre, duke menduar se ata duan të jenë në vendin e tij, por ai e shet veten si të pazëvendësueshëm.
Nuk mbajnë dot marrëdhënie intime të shëndetshme me dikë
Vendosin objektiva jorealiste- një ditë do jenë piktorë të shquar apo shkrimtarë të mëdhenj, apo do kenë biliona euro.
Kanë vetë-vlerësim të brishtë
Duken pa emocione dhe të ashpër.

Artikuj të ngjashëm