Ndonjëherë e zgjedhim ngjyrën e rrobave varësisht prej asaj se si ndjehemi, e ndonjëherë për ta ndryshuar humorin. Për shembull, e kuqja e përshpejton pulsin dhe e shton vetëbesimin, ndërsa e kaltra relakson.
Prandaj, mos vishni diçka vetëm pse ajo ngjyrë ju përshtatet mirë me flokë apo sy, por kini kujdes edhe si ndikon në humorin tuaj.
E kuqja
E kuqja e shton vetëbesimin dhe kontribuon që të shquheni në një grumbull njerëzish. Ajo tregon guxim dhe e lehtëson marrjen e vendimeve. Në shumicën e botës kjo ngjyrë ka oreolin e joshjes së fuqishme.
E verdha
Kjo ngjyrë diellore e pozitive ndihmon në afrimin e njerëzve, madje edhe me ata të cilët mund t’i quajmë kryelartë. Po vendosët të visheni me kombinim të verdhë, kini kujdes të mos e teproni me verdhësi.
E kaltra
Ajo është e kundërta e plotë e ngjyrës së kuqe. I ngadalëson të rrahurat e zemrës dhe e zbret tensionin e gjakut, prandaj është ideale për ndjenjë relaksi.
E gjelbra
Kjo ngjyrë qetëson e freskon. Do të thotë, po të doni të ndjeheni ashtu, vishni diçka gjelbër. Ajo ka shumë nuanca, kështu që është e përshtatshme për të gjitha tipat e lëkurës, përkatësisht gjithkush mund ta gjejë nuancën e cila i rri mirë.
Vjollcë
Është e përkryer për të krijuar përshtypjen e njeriut me përvojë e vetëbesim. Si edhe e kaltra, është zgjedhje e shkëlqyeshme për krijimin e përshtypjes së parë pozitive.
E zeza
Kjo ngjyrë ju rri mirë gati të gjithëve, sikurse është e njohur përkrijimin e efektit vizual të të hollës, duke kontribuar në dukje elegante.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
