Shpesh, të rriturit i ngacmojnë fëmijët e vegjël për kënaqësi. I ngacmojnë derisa fëmija i vogël nervozohet, apo inatoset.
Nga Lira Gjika
Pediatre
Dhe në këtë çast, i rrituri ndjen kënaqësi të madhe dhe qesh në sy të fëmijës. Ndërsa fëmija i vogël i dëshpëruar dhe i inatosur, kërkon me sy nënën apo zëvendësuesin e saj, por më kot, sepse nëna, gjyshja apo dadoja, qesh së bashku me atë tjetrin që e ngacmon pa e përfillur.
Nëna nuk e ndalon këtë ngacmim, madje e shijon. Të rriturit qeshin dhe kënaqen, ndërsa fëmija i trembur, qan dhe bërtet.
Kjo lojë është shumë e rrezikshme, pasi krijon modelin, që kur tjetri është në vështirësi, mund të qeshet me gjendjen e tij, në vend që të ndërhyet për të qetësuar.
Kjo do të thotë që padashur, ne i rrisim fëmijët me anestezi emocionale.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
