Të gjithë e dimë se rritja e konsumit të frutave dhe perimeve bën mirë për shëndetin tonë. Këto janë ushqime të gjalla, të cilat përmbajnë vitamina, enzima, fibra, minerale, karbohidrate dhe makro-ushqyes që janë themelore për shëndetin tonë. Megjithatë, për fat të keq, shumica e frutave të gjetur në supermarket trajtohen me pesticide dhe substanca të tjera që janë toksike për shëndetin tonë.
Këto substanca grumbullohen në sipërfaqen e frutave dhe perimeve dhe nëse nuk eliminohen në mënyrën e duhur, futen dhe grumbullohen në trupin tonë. Këtu janë disa mënyra për të shmangur pesticidet e frutave dhe perimeve.
Përmes ujit. Edhe pse ky është një ndihmë e madhe, ai mund të heqë vetëm një pjesë të këtyre kimikateve. Nëse është e mundur, hiqni të gjitha frutat jo-organike që hani. Vendosini frutat dhe perimet për disa minuta në një solucion të bërë nga uji, soda e bukës dhe uthulla që ndihmon në largimin e grimcave të pesticideve, edhe pse kjo nuk është një zgjidhje plotësisht efektive.
Me karbon aktiv. Për të përmirësuar efektivitetin zgjidhjes së mëparshme të bërë nga uji, sodë buke dhe uthull, ju mund të shtoni karbon aktiv. Me përzierjen e solucionit, karboni aktiv do të tërheqë dhe do të bllokojë grimcat e pesticideve.
Me gatim. Avulli ndihmon për të eliminuar një pjesë të pesticideve, edhe nëse është e vështirë për ta aplikuar atë në fruta. Për fat të keq, avullimi gjithashtu shkatërron enzimat dhe disa vitamina.
Leshterikët. Konsumi i këtyre produkteve (kombu, arame, ëakame) do të ndihmojë eliminimin e metaleve të rënda dhe toksinave të tjera nga trupi.
Burimi / http://www.rimedio-naturale.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
