Dimri tashmë ka trokitur dhe ju doni ta përballoni atë në mënyrën më të mirë. Mbi të gjitha ju doni të parandaloni dobësimin e papritur të sistemit imunitar dhe ekspozimin ndaj viruseve. Po, por ju dëshironi ta bëni atë natyrshëm, ndoshta pa marrë ilaç dhe pa përdorur vitamina dhe bimë medicinale.
Si të forconi sistemin imunitar për dimër dhe shkaqet e dobësimit të tij
Një ndër shkaqet kryesore të dobësimit të sistemit imunitar është ulja e temperaturave, por stresi mund të jetë gjithashtu një tjetër faktor, një përdorim jo i duhur i barnave, një dietë e pabalancuar. Gjithashtu mund të ndikojnë dhe zakonet e këqija si pirja e duhanit dhe alkooli.
Si ta dalloni që sistemi imunitar është në vështirësi?
Si mund ta shihni që sistemi imunitar po dobësohet? Një sinjal, për shembull, mund të jetë shfaqja e plagëve të ftohta ose plagëve të gojës. Por edhe një humbje e pazakontë e flokëve, gripit, vështirësi për t’u përqendruar.
Si ta forcojmë veten në një mënyrë natyrale?
Nëse keni një ditë të keqe dhe jeni zgjuar me disa nga këto shenja, është mirë që menjëherë të vraponi për tu mbuluar. Ndërkohë një mbrojtje e mirë mund të ofrohet nga vitaminat, si nga ato që gjenden në fruta dhe perime, po ashtu edhe tek ato të përqendruara që merren si shtesa.
Vitamina C. Ndoshta është vitamina më e rëndësishme për sistemin imunitar. Më mirë ta merrni përmes frutave dhe perimeve: kivi, portokall, limon, ananas, luleshtrydhe, qershi etj. Çaji i trëndafilit të egër është gjithashtu i shkëlqyeshëm.
Vitamina D. është sigurisht e dobishme për forcimin e sistemit imunitar, por edhe për diabetin, problemet me kockat, artritin dhe tumoret. Ushqimet e pasura me vitaminë D janë mëlçia, vajrat e peshkut, disa peshq deti (harengë, salmon, sardele); sasi të vogla gjenden edhe në vezë, gjalpë dhe qumësht.
Vitamina A. Ka një veprim antioksidues. Ushqimet që e përmbajnë atë janë: vaji i mëlçisë së merlucit, mëlçia e gjelit të detit, karotat dhe mëlçia e viçit.
Vitamina B (B1, B2, B6, B12). Thelbësore për metabolizmin e yndyrnave dhe sheqernave, si dhe për tretjen dhe prodhimin e energjisë. Vitamina B mund të gjendet tek derri, peshku, proshuta, veza dhe produktet e qumështit.
Vitamina E. Mbron nga radikalet e lira, madje edhe nga tumoret. Burimet më të rëndësishme janë vajrat vegjetal, siç janë vaji i grurit, vaji i bajames, vaji i lulediellit dhe vaji i ullirit.
Sa i përket bimëve medicinale që janë të dobishme për forcimin e sistemit imunitar, mund të përmendim trëndafili i qenit dhe shafran i Indisë.
Burimi / https://www.pianetadonne.blog/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
