Xhenxhefili është një nga përbërësit më të dobishëm natyror për ata që përpiqen të humbin peshë. Mund të përdoret në shumë mënyra të ndryshme, por padyshim që çaji është më popullor dhe më i shijshëm.
Çaji i xhenxhefilit ndihmon për të përshpejtuar metabolizmin dhe për të pastruar trupin, duke kontribuar në djegien e yndyrës në një mënyrë të shpejtë dhe efektive. Çaji bimor gjithashtu ka vetitë e tretjes që ndihmojnë në parandalimin e formimit të gazrave të zorrëve.
Xhenxhefili përmban fosfor, kalium dhe vitaminë C, dhe ka veti antioksidante që forcojnë sistemin imunitar. Çaji bimor i xhenxhefilit është gjithashtu shumë i dobishëm për shëndetin e mëlçisë, duke parandaluar akumulimin e yndyrës në mëlçi dhe duke ndihmuar në pastrimin e tij, duke eliminuar toksinat dhe mbetjet e tjera.
Për të përgatitur çajin e xhenxhefilit ju nevojiten:
- Gjysmë lugë gjelle xhenxhefil
- 250 ml ujë
- 1 lugë çaji mjaltë
- Lëngu i gjysmë limonit të shtrydhur.
Përgatitja:
Nxehni ujin dhe sapo të ketë zier, hiqeni atë nga soba dhe derdheni mbi xhenxhefil. Lëreni të pushojë për rreth 8 minuta, pastaj shtoni lëngun e limonit, mjaltin dhe më pas piheni. Ju mund të pini dy gota në ditë për të shijuar përfitimet e pabesueshme të xhenxhefilit.
Burimi / www.rimedio-naturale.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
