Me siguri të gjitha femrat dëshirojnë të shpëtojnë nga celuliti sa më thjesht dhe më shpejt, por fatkeqësisht nuk ka një ilaç magjik për ta zgjidhur këtë problem. Procesi i zhdukjes së tij kërkon një kohë relativisht të gjatë dhe, në radhë të parë, kujdes në mënyrën e të ushqyerit, ushtrime fizike dhe trajtime trupore! Për një dietë të shëndetshme, rekomandohen:
Ujë, ujë, ujë!
Çdo dietë përfshin të paktën 2 litra ujë në ditë, që do të thotë se hidratimi ka një rol të rëndësishëm dhe duhet marrë shumë seriozisht. Nëse ndjeni se është e tepërt për ju, provoni “ta edukoni” veten. Mbani gjatë gjithë kohës një gotë mbi tryezën e punës apo mbi komodinë. sepse përmbajnë shumë ujë. Gjithashtu, është provuar se femrat që konsumojnë shumë fruta dhe perime të pasura me ujë janë dobësuar më shpejt sesa ato që kanë pirë thjesht lëngje. Ushqimet e pasura me lecitinë, aminoacide dhe antioksidues e bëjnë lëkurën më elastike dhe ndihmojnë në eliminimin e celulitit, duke i rikthyer lëkurës bukurinë. Ushqime të pasura me lecitinë janë: veza, lulelakra, gjalpi i kikirikëve, soja dhe spinaqi. Yndyrë bimore: vaj ulliri, arra, peshku Antioksidues dhe aminoacide: agrumet
Fruta dhe perime me vitaminë C
Vitamina C lidhet me sintezën e kolagjenit, një proteinë që siguron elasticitetin e lëkurës dhe bën që celuliti të jetë më pak i dukshëm. Për më tepër, studiuesit amerikanë kanë zbuluar se kjo vitaminë bën yndyrat të digjen 30% më shpejt gjatë ushtrimeve fizike. Ushqime të pasura me vitaminën C janë: specat djegës të kuq apo jeshilë, majdanozi, perimet jeshile me gjethe (spinaq, lakër, brokoli, lulelakër etj), trumza, hudhra, patatja, karota, shpargu, frutat si kivi, papaja, agrumet, luleshtrydhet, fruta pylli, ananasi dhe rrushi.
Çfarë duhet shmangur?
Kafeina (e përdorur vetëm në kremrat anticelulitë, por jo nëse e konsumojmë vazhdimisht). Gjithashtu duhet të evitojmë alkoolin, sepse dehidraton trupin dhe kripën, pasi mban ujin në trup. Sigurisht, janë të ndaluara ushqimet e skuqura, mishi i konservuar, djathërat plot me yndyrë, ëmbëlsirat, makaronat dhe buka e bardhë.
SHEMBULL DIETE
Mëngjesi: një filxhan çaj jeshil + një kos me drithëra integrale +gjysmë qitroje
Dreka: 250 gr. kërpudha champignon sote + një copë mishi viçi pa dhjamë
Vakte të ndërmjetme: një bistak rrushi + 10 bajame
Darka: një racion brokoli, lulelakër dhe karota në furrë + sallatë me portokall dhe kanellë
OSE
Mëngjesi: një filxhan çaj jeshil+ një kos pa yndyrë me drithëra dhe fruta të thata + një portokall
Dreka: një racion peshk i bardhë me perime furre + një copë ananas i freskët.
Vakte të ndërmjetme: një banane + 3 biskota të kripura, me përbërje nga drithërat integrale
Darka: omëletë nga dy të bardha vezësh me sallatë domate + një karotë.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
