Mund të duket e çuditshme, por të jesh i sinqertë nuk është gjithmonë gjëja më e mirë. Ndonjëherë e vërteta mund të ofendojë njerëzit e afërt, miqtë ose të thyejë zemrën e dikujt që doni. Sinqeriteti është një vlerë e rrallë që duhet të dish ta përdorësh, nuk është gjithmonë e nevojshme të jesh i sinqertë. Kur mendimi ynë është shkatërrues dhe jo konstruktiv, heshtja është zgjedhja më e mirë.
Ne nuk po i referohemi të vërtetave të pakundërshtueshme, atyre që duhen thënë, por atyre që askush nuk dëshiron t’i dëgjojë, por që ne jemi të vendosur ta themi.
Për shembull:
“Keni shtuar pak peshë kohët e fundit, apo jo?”
“Ai më tha që në të vërtetë nuk donte të vinte në festën tënde, por ai erdhi që të mos të ofendojë”
“Mua nuk më pëlqen ajo që ke gatuar, nëna ime e bën atë shumë më mirë”
A është vërtet e nevojshme t’i thuash këto “të vërteta”? Jo! Të gjitha këto deklarata mund të mos thuhen, ato nuk janë të nevojshme dhe ne nuk e dimë se sa mund ta dëmtojnë një person. Nuk është çështje gënjeshtre dhe as të thuash të kundërtën e asaj që mendojmë, por thjesht të heshtësh nëse ajo që do të themi mund të jetë fyese.
Shumë njerëz ndjehen të sinqertë dhe ankohen se nuk vlerësohen për këtë, por në realitet përdorin të vërtetën pa empatinë që mund të fyejnë vetëm të tjerët, të cilët kanë qëllimin e vetëm për të kënaqur egon e tyre. Të gjithë duam sinqeritet, por duhet të jemi gjithnjë të kujdesshëm si e themi. E vërteta duhet të ketë për qëllim të jetë konstruktive dhe të ketë pasoja pozitive. Nuk ka nevojë të tregojmë se jemi “aq të sinqertë” sa nuk mund të heshtim.
Për më tepër, kur dikush thotë “të vërtetën e tij” jo gjithmonë përkon me tuajën. Sinqeriteti ka dy rrugë ose duhet të jetë i domosdoshëm ose të lihet. Gjithmonë zgjidhni ti thoni gjërat me ëmbëlsi, dhembshuri dhe empati. Nëse një e vërtetë është e nevojshme, por edhe e dhimbshme, zgjidhni fjalët më delikate për ta shprehur atë.
Fjalët nuk i merr era, siç thuhet, përkundrazi ato mbesin të gdhendura në zemrat e atyre që i dëgjojnë. Gjithmonë ki respekt.
Burimi / https://www.bigodino.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
