Një nga fajtorët më të mëdhenj, për efektet e vazhdueshme fizike nga abuzimi në fëmijëri është stresi. Fëmijët që janë abuzuar përjetojnë shqetësime fizike, emocionale dhe trauma.
Dëmi fizik mund të përmirësohet dhe të shërohet, por reagimi emocional ndaj kësaj traume shpesh mbetet aktiv dhe i fuqishëm. Frika, pasiguria, zemërimi dhe frustrimi mund të jenë nënproduktet e abuzimit që nuk zhduken, por në të njëjtën kohë ndërtohen me kalimin e kohës. Një person nën të stres të vazhdueshëm e sheh rrezikun kudo dhe sigurinë askund. Një person nën stres është një person reaktiv që nuk mund të presë për të shqyrtuar situatën e plotë.
A përpiqesh të harrosh abuzimin që ke vuajtur si fëmijë për shkak të mënyrës se si ju bën të ndiheni? A mendoni për ato kohë dhe pëllëmbët tuaja të djersiten? A stresoheni akoma më shumë, kur të tjerët nuk shfaqin të njëjtin nivel shqetësimi? Ndonjëherë ndiheni të kërcënuar nga rrethanat apo nga njerëz të tjerë? Sapo rreziku të ketë kaluar, a është më e vështirë për ju se sa për të tjerët të qetësoheni nga kjo ndjesi e zgjuar?
Fëmijët që janë abuzuar hyjnë në një gjendje stresi dhe ankthi, që ndryshon mënyrën se si truri i tyre reagon ndaj rrethanave.
Shoqata Psikologjike Amerikane rendit një listë me efekte negative të shëndetit për shkak të stresit, siç është tensioni i muskujve; dhimbje koke; sulmet e astmës; frymëmarrje e shpejtë që çon në sulme paniku; probleme kardiovaskulare; hipertension; inflamacion i sistemit të qarkullimit; nivelet më të larta të kolesterolit; rritet niveli epinefrin dhe kortizoli; lodhje e veshkave; rezistenca e insulinës dhe diabeti i tipit 2; urth; vuajtje gastrointestinale; sindromi i zorrëve nervoze; mosfunksionim erektil; menstruacione të parregullta, të dhimbshme; rritet periudha e menopauzës; dhe reduktimin e dëshirës seksuale.
Për shkak të lidhjes së ngushtë midis asaj që përjetojmë dhe mënyrës se si ndihemi, ata që i kanë mbijetuar abuzimit të fëmijërisë duhet të jenë të vetëdijshëm për problemet shëndetësore që sot lidhen me abuzimin nga e kaluara.
Kostoja e abuzimit të fëmijërisë prek aspektet emocionale, fizike dhe shpirtërore të jetës së një personi.
Studiuesit po hulumtojnë pasojat negative të abuzimit të fëmijërisë dhe përmirësimin e mirëkuptimit tonë kolektiv. Në një aspekt, duke shtuar listën e pasojave negative mund të jetë dekurajuese. Sidoqoftë, njerëzit më në fund zbulojnë arsyet pse ata mendojnë, ndiejnë dhe veprojnë, veçanërisht në mënyra të dëmshme. Njohja e arsyeve jep një pikënisje për gjetjen e një zgjidhjeje.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
