Studiuesit kanë analizuar se si ndikon konsumimi i alkoolit tek personat e moshave të ndryshme dhe ata kanë konstatuar se tek njerëzit mbi 50 vjeç, rreziqet shëndetësore janë më të vogla.
Konsumimi i tepërt i alkoolit shkakton pasoja serioze tek shëndeti i njeriut, shkruan Medical News Today. Ndër sëmundjet më të njohura të shkaktuara nga alkooli janë: kancer të ndryshëm, sëmundjet e mëlçisë, sëmundjet e zemrës, dëmtimet e sistemit nervor, duke përfshirë edhe trurin.
Mirëpo autorët e këtij studimi, kanë bërë të ditur se shumica e konsumuesve që kanë humbur jetën nga këto sëmundje kanë qenë nën moshën 50-vjeçare.
“Personat e moshës mbi 50-vjeçare që konsumojnë në mënyrë të disiplinuar, i kanë mbijetuar alkoolit për shkak se disa prej tyre mund të kenë qenë më të shëndetshëm ose mund të kenë praktikuar modele të sigurta të pijes”, ka thënë Dr. Timothy Naimi.
Burimi / tvklan.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
