Kush prej nesh nuk njeh të paktën një çift të martuar që kalon shumicën e kohës mes diskutimeve dhe debateve? Në këtë situatë është e lehtë të mendosh që në çift nuk ka më dashuri dhe se lidhja është e destinuar të dështojë.
Ekspertët, nga ana tjetër, jo vetëm që kundërshtojnë mendimin e zakonshëm, por pohojnë se diskutimet në të vërtetë janë tregues i një çifti të shëndetshëm dhe të dashuruar.
Zhurma e dyerve, hedhja e gjërave, ulëritja, shkelja, qarja… janë shenjat e një marrëdhënieje që është emocionalisht aktive dhe e gjallë. Debatet, sipas ekspertëve, i mësojnë bashkëshortët të luftojnë përmes dhimbjes dhe kjo i bën ata më të fortë dhe më të bashkuar. Dr. John M. Gottman, nga Instituti Gottman, thotë se grindjet nuk kanë qenë kurrë simptomë e një marrëdhënieje të dobët.
“Luftimet” mes çifteve mund të ndahen në 3 qasje të ndryshme që mund të tregojnë nëse marrëdhënia do të zgjasë apo jo.
Këtu janë 3 stilet e grindjeve në çift sipas Gottman:
- Çiftet që duan të flasin, arrijnë një kompromis dhe zgjidhin problemet e tyre;
- Çiftet në të cilat partnerët thjesht duan të dëgjohen dhe presin që tjetri të pajtohet me ta;
- Çiftet që nuk duan të përballen me problemet e tyre.
Rasti i parë përfshin britma, zemërim… por fundi është gjithmonë kompromisi dhe triumfi i dashurisë.
Rasti i dytë ka të bëjë me pamundësinë për të dëgjuar njëri-tjetrin. Këta njerëz nuk janë të interesuar të luftojnë, të bërtasin apo të dëgjojnë se çfarë do të thotë partneri i tyre.
Rasti i tretë është më seriozi për një marrëdhënie. Edhe pse çifti duket më i qetë, emocionet e mbledhura brenda mund të shkatërrojnë një marrëdhënie.
Grindjet ndihmojnë për të ndezur zhgënjimet, për të njohur më mirë partnerin dhe për të forcuar një marrëdhënie. Grindjet, betejat, janë të gjitha shenja interesi për tjetrin. Kur një çift lufton, ata në të vërtetë tregojnë një gatishmëri për të zgjidhur problemet dhe për të gjetur një zgjidhje që do të forcojë marrëdhëniet dhe dashurinë.
Grindjet na mbajnë të shëndetshëm
Gautama Buda dikur tha se mbajtja e zemërimit është si pirja e helmit dhe të shpresosh që personi tjetër të vdes. Sipas ekspertëve, logjika e Budës mund të mbështetet shkencërisht. Një studim i kohëve të fundit që ekzaminoi më shumë se 40,000 gra nga Massachusetts zbuloi se gratë që mbajnë inatin kur diskutojnë me partnerët e tyre kanë një rrezik 4 herë më të lartë të vdekjes sesa ato që rregullojnë emocionet e tyre.
Prandaj, nëse e doni njëri-tjetrin dhe kujdeseni për shëndetin tuaj të ndërsjellë, duhet të debatoni! Gjatë një zënke, të dy partnerët mund të kuptojnë se si ndihet secili prej tyre. Debati do t’ju ndihmojë të jeni të sinqertë me partnerin tuaj dhe shpërthimi i së vërtetës mund të vijë vetëm nga një diskutim i ndezur dhe produktiv.
Sipas shkrimtares së mirënjohur Pamela Paul, vlerat dhe besimet tona themelore mund të shfaqen gjatë një beteje. Mos mbajtja e zemërimit do t’ju ndihmojë të shihni se si ndihet vërtetë partneri juaj për diçka, që me siguri do të shpëtojë martesën ose marrëdhënien. Këto vlera të rëndësishme mund të testohen vetëm gjatë një grindjeje ose nuk do të ketë asnjë mënyrë për të ditur nëse ia vlen të luftosh.
Burimi / https://www.giornodopogiorno.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
