Koronavirusi është në gjendje të depërtojë drejtpërdrejt në hundë dhe prej andej të arrijë sistemin nervor, kjo shpjegon dhe arsyen e humbjes së nuhatjes.
Ky është rezultati që ka dalë nga rastet klinike të raportuara nga Patrizia Morbini nga Universiteti i Pavisë, të publikuara në revistën JAMA Otolaryngology – Head & Qer Surgery. “Ne ishim në gjendje të merrnim llambën e nuhatjes vetëm në dy pacientë – thotë ekspertja në një intervistë – dhe studimi raporton rezultatet e vëzhguara në njërin nga të dy, të cilët kishin një formë të rëndë të Covid-it”.
“Tek këta pacientë ne demonstruam praninë e virusit në llambën e nuhatjes, i cili shoqërohet me inflamacion të rëndë”. Ky aspekt sugjeron dëmtim të drejtpërdrejtë të llambës së nuhatjes. Sidoqoftë, nuk ishte e mundur të përcaktohej saktësisht në cilat lloje qelizash ishin të pranishme grimcat virale. Për më tepër, “në lidhje me hundën dhe veçanërisht mukozën e nuhatjes, të cilën ne e izoluam më vete – saktëson Morbini – edhe këtu kemi vërejtur praninë e grimcave të bollshme virale të shoqëruara me inflamacion në të dy pacientët e studiuar”.
“Ky studim përfaqëson provën e parë të një përfshirje të drejtpërdrejtë të llambës së nuhatjes nga SARS-CoV-2, e cila mbështet të dhënat instrumentale të dëmtimit të kësaj zone tek pacientët me Covid, dhe provat klinike të nuhatjes së dëmtuar. Kjo gjë tregon se ky virus, ashtu si koronaviruset e tjerë, është në gjendje të arrijë sistemin nervor përmes fibrave të receptorit të mukozës së nuhatjes”- përfundon Morbini.
Burimi / https://www.huffingtonpost.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
