Sipas një studimi të botuar në revistën shkencore “PLOS Computational Biology”, prania e njerëzve dembelë na bën të ngjashëm me ta. Studiuesit kanë matur sjelljen e 56 personave. Ata i kërkuan pjesëmarrësve të gjenin zgjedhjen që kishte bërë dikush tjetër.
Më pas, studiuesit i vunë në dijeni se çfarë kishte zgjedhur realisht ky person. Në këtë pikë, ata përsëritën pyetjen e parë dhe vunë re se, shumë e kishin ndryshuar zgjedhjen e tyre të parë, duke treguar se zgjedhja e të tjerëve kishte ndikuar tek ata. Kjo ndodh pasi njerëzit kanë tendencën për të imituar sjelljet e të tjerëve.
Sipas studiuesve: “Shumë persona janë të bindur se ‘të tjerët’ kanë në dorë zgjidhjen dhe dinë sesi të sillen sa më mirë në situata të caktuara. Në këtë rast, vullnetarët e studimit imituan të tjerët, pikërisht sepse nga ata do të mësonin sesi të silleshin.”
Botuar në Revistën “Psikologjia”, Nr. 120
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
