Përdorimi pa kriter i telefonit celular dëmton shikimin dhe po ashtu ai mund të bëhet shkaktar i humbjes totale të tij. Një studim i fundit i bërë nga Universiteti i Toledos, ka nxjerrë në pah se drita blu që ka ekrani i telefonit celular apo i tabletit, ndikon në degradimin e makulës së syrit, që është shkaktari kryesor i verbërisë.
Sipas studiuesve, degjenerimi makular shkaktohet nga vdekja e qelizave fotoreceptor. Këto qeliza kanë nevojë për një molekulë të quajtur retinë për të punuar si duhet, por ekspozimi ndaj dritës blu bën që retina të reagojë ndryshe, duke shkaktuar molekula helmuese.
Nisur nga këto fakte, studiuesit rekomandojnë që për të zbutur efektet e dritës blu, duhet të përdorni telefonin vetëm kur është i nevojshëm për të bërë telefonata, përgjatë ditës duhet të përdorni syze dielli, ndërsa rekomandojnë të shmanget përdorimi i celularit në errësirë.
Përveç kësaj edhe kompanitë telefonike kanë filluar të fusin filtra në ekran për të minimizuar efektet e dritës blu. E nëse telefoni juaj e ka filtrin atëherë do të bënit mirë ta aktivizonit aplikacionin për këtë qëllim.
Burimi / tvklan.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
