Jetesa pranë rrugëve me pemë dhe afër parqeve ju mbrojnë nga sëmundjet e zemrës dhe vdekja e hershme. Studiuesit amerikanë analizuan shëndetin kardiovaskular tek më shumë se 400 njerëz në të gjithë SHBA-në duke përdorur mostrat e urinës dhe gjakut. Ata pastaj matën nivelin e gjelbërimit dhe cilësinë e ajrit të shtëpisë duke përdorur imazhet satelitore të NASA-s.
Rezultoi se njerëzit që jetonin në zona të gjelbëruara apo afër parqeve publike kanë aftësi më të larta për të riparuar enët e gjakut dhe më pak stres. Kjo u konstatua te të gjithë ata që banonin në zonat e gjelbëruara pavarësisht nga mosha, gjinia, etnia, madje edhe nga statusi i tyre i pirjes së duhanit. Ekspertët thonë se gjetjet theksojnë rëndësinë e aksesit në hapësira të gjelbëruara për të gjithë.
Por kjo është më pak e zakonshme në komunitetet e pafavorizuara të cilat tashmë kanë një rrezik të lartë të sëmundjeve të zemrës dhe stresit. Studimi, i botuar në revistën e Shoqatës Amerikane të Zemrës është i pari që statistikisht vlerëson lidhjen midis gjelbërimit dhe shëndetit të zemrës. Edhe një studim i botuar vitin e kaluar arriti në përfundimin se njerëzit që jetonin më pranë pyjeve kishin një shëndet më të mirë mendor sesa bashkëmoshatarët e tyre urbanë. Studiuesit gjetën se ata kishin funksionim më të mirë të zonës së trurit që kontrollon emocionet.
Burimi / intv.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
