Konsumimi i kërpudhave më shumë se dy herë në javë mund të parandalojë problemet e kujtesës që ndodhin gjatë të 60-ve, sugjeron kërkimi nga Singapori. Një antioksidant unik i pranishëm në kërpudha mund të ketë një efekt mbrojtës në tru, zbuloi studimi.
Sa më shumë që njerëzit hëngrën kërpudha, aq më mirë kryenin testet e të menduarit dhe përpunimit. Por studiuesit thanë se nuk ishte e mundur të provohet një lidhje e drejtpërdrejtë midis kërpudhave dhe funksionit të trurit. Zbulimet e studimit të Universitetit Kombëtar të Singaporit u bazuan në 663 të rritur kinezë, të moshës mbi 60 vjeç, ku kontrolluan dietën dhe mënyrën e jetesës së tyre nga viti 2011 në 2017.
Studiuesit zbuluan se kërpudhat zvogëlojnë shanset e dëmtimit në tru si dhe forcojnë kujtesën. Kështu që afërsisht nëntë nga 100 njerëz që hëngrën më shumë se dy herë në javë, kishin kujtesë më të fortë se ata që hanin një herë në javë.
Dëmtimi i butë njohës (MCI) mund t’i bëjë njerëzit të harrojnë shpesh, të ndikojë në kujtesën e tyre, dhe të ndikojë në vëmendjen dhe gjetjen e objekteve në hapësirat – por ndryshimet mund të jenë delikate. Ata që hanin kërpudha ishin më të shpejtë në testet e trurit dhe kjo ishte veçanërisht e dukshme tek ata që hëngrën më shumë se dy herë në javë ose më shumë se 300gr kërpudha. “Ky korrelacion është befasues dhe inkurajues”, tha profesori Lei Feng, autor i studimit nga departamenti i universitetit të mjekësisë psikologjike.
Hulumtuesit tregojnë gjithashtu se kërpudhat janë një nga burimet ushqimore më të pasura të ergotioninës – një antioksidant dhe anti-inflamator që njerëzit nuk janë në gjendje ta bëjnë vetë. Kërpudhat gjithashtu përmbajnë lëndë ushqyese dhe minerale të tjera të rëndësishme si vitamina D, selenium dhe spermidine, të cilat mbrojnë neuronet nga dëmtimet.
Burimi / gazetasi.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
