Tre shkencëtarë këshillojnë konsumimin e kosit natyral, i cili përmban baktere të dobishme që qetësojnë inflamacionin. Këto baktere janë të ngjashme me ato që gjenden në qumështin e gjirit. Sugjerimi i tyre është që këto baktere janë mbrojtëse sepse ushqyerja me gji zvogëlon rrezikun e kancerit të gjirit.
Shkencëtarët thonë se ideja e tyre – e cila ende nuk është provuar – mbështetet nga të dhënat në dispozicion, që është se inflamacioni i shkaktuar nga bakteret është i lidhur me kancerin. Konsumimi i kosit lidhet gjithashtu me një rrezik të zvogëluar të kancerit të gjirit.
Studimi u botua në Hipoteza Mjekësore nga Profesor James Morris nga Spitalet Universitare të Morecambe Bay NHS Foundation Trust dhe kolegët e tij.
Dr. Rachael Rigby nga Universiteti Lancaster tha: “Tani ne e dimë që qumështi i gjirit nuk është steril dhe se laktacioni ndryshon mikroflorën e gjirit. Bakteret e fermentimit të laktozës gjenden në qumështin e gjirit dhe ka të ngjarë të zhvillohen në kanalin e gjirit të grave gjatë laktacionit dhe për një periudhë të panjohur pas laktacionit.”
Shkencëtarët sugjerojnë që këto baktere, të cilat fermentojnë laktozën në gji janë mbrojtëse sepse çdo vit i ushqyerjes me gji zvogëlon rrezikun e kancerit të gjirit me 4.3%. Studime të tjera kanë treguar që konsumi i kosit është i lidhur me një rrezik të zvogëluar të kancerit të gjirit, i cili, sipas studiuesve, mund të jetë për shkak për heqjen e baktereve të dëmshme nga bakteret e dobishme.
Studiuesit dalin në përfundimin se qelizat burimore që ndahen për të rimbushur rreshtimin e kanalit të gjirit, preken nga mikroflora. Disa përbërës të mikroflorës janë identifikuar në organe të tjera, në zorrën e trashë dhe stomak, duke rritur rrezikun e shfaqjes së kancerit. Prandaj, një skenar i ngjashëm ka të ngjarë të zbatohet në gji, ku bakteret që banojnë atje ndikojnë në ndarjen e qelizave burimore dhe në fund në rrezikun e zhvillimit të kancerit.
Burimi / OraNews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
