Shkencëtarët pohojnë se konsumimi i specave të djegës katër herë në javë mund t’jua zvogëlojë rrezikun e vdekjes nga sulmi në zemër. Hulumtuesit kanë analizuar rreth 23,000 vullnetarë përgjatë një periudhe tetëvjeçare, duke i pyetur rregullisht për dietat e tyre.
Rezultatet kanë treguar se të rriturit të cilët hanë rregullisht speca djegës – rreth katër herë në javë – janë më pak të rrezikuar nga vdekje e parakohshme. Veç kësaj, ata kanë qenë 40% më pak të prirë të vdesin nga sulmet e zemrës, sipas akademikëve italianë që e kanë kryer këtë studim.
Sipas ekspertëve, është capsaicini – përbërësi antipezmatues dhe substanca që e krijon ndjenjën e djegies – ai që gjendet prapa përfitimeve shëndetësore të specave djegës.
Vlen të përmendet se këto hulumtime janë publikuar në revistën “Journal of the American College of Cardiology”.
Burimi / telegrafi.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
