Pirja e duhanit mund të rrisë rrezikun e zhvillimit të depresionit dhe skizofrenisë, sipas një studimi. Ekspertët e Universitetit të Bristol zbuluan se duhanpirësit përballen me gati dy herë më shumë me rrezikun e zhvillimit të këtyre gjendjeve të shëndetit mendor.
Në studim u morën afro gjysmë milioni njerëz. Akademikët thanë se nuk mund të provojnë se pirja e duhanit shkakton depresion ose skizofreni, duke paralajmëruar se gjetën vetëm shumë prova për t’i lidhur ato.
Rezultatet, e publikuara në revistën Psychological Medicine, gjithashtu treguan se njerëzit që vuajnë nga këto dy gjendje kanë më shumë mundësi të fillojnë pirjen e duhanit. Autori kryesor Dr. Robyn Wootton dhe ekipi i saj besojnë se nikotina pengon receptorët e dopaminës dhe serotoninës në tru.
Dopamina është një kimikat që prodhohet në mënyrë natyrale dhe rregullon emocionet e njerëzve ndërsa serotonina, që njihet si ‘kimikat i lumturisë’ kontribuon në mirëqenie.
Burimi / OraNews
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
