Nënat adoleshente janë më të rrezikuara që të kenë një menopauzë të hershme dhe histerektomi (ndërhyrje kirurgjikale për të hequr një apo të gjitha pjesët e mitrës).
Një studim i fundit ka zbuluar se 43% e grave që kanë lindur fëmijë nën moshën 20 vjeç kanë kaluar në fazën e menopauzës nga mosha 45 vjeç.
Rreth gjysma e grave që kanë pasur një menopauzë të hershme gjithashtu kanë kryer gjithashtu histerektomi, krahasuar me më pak se ¼ e atyre që kanë kaluar më vonë në menopauzë.
Studimi është bazuar në të dhënat mjekësore të më shumë se 1000 grave. Gratë nga vendet më të varfra, si Brazili dhe Kolumbia, raportuan gjithashtu më shumë raste të kalimit të hershëm në menopauzë, kjo krahasuar me shtetet më të pasura, si Kanadaja.
Vajzat që përjetojnë trauma në fëmijëri janë gjithashtu 56% më të rrezikuara që të kenë një menopauzë të hershme.
Udhëheqësi i hulumtimit Dr. Catherine Pirkle, nga Universiteti i Haëaii në Manoa, tha: ‘Kjo gjë nënkupton që lindja e hershme ose një fëmijëri e vështirë mund të fshehin probleme që shfaqen më vonë’.
Gjetjet u paraqitën në Kongresin Botëror të Menopauzës në Vancouver, Kanada.
Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
