A njihni ndonjë mik që shqetësohet gjithmonë, si për mungesën e kohës, për një telefonatë të humbur në celularin e tij, për një mesazh që nuk është dërguar (dhe kështu me radhë…)? Apo, nëse e njeh veten në këtë përshkrim, mbase je ai person që vazhdimisht shqetësohet për diçka? Epo, ka një lajm të mirë, pasi hulumtimet e reja sugjerojnë që njerëzit me një natyrë veçanërisht të shqetësuar shpesh janë tepër krijues. Por cila është lidhja midis ankthit dhe krijimtarisë?
Sipas studiuesve në King’s College London, ekziston një lidhje shumë e fortë midis ankthit dhe imagjinatës. Dr. Adam Perkins, një ekspert në Neurobiologjinë e Personalitetit, deklaroi se nëse kemi një mbizotërim të mendimeve negative dhe një tendencë të theksuar për të panik para të tjerëve do të thotë që ju mund të përjetoni emocione të forta negative edhe kur nuk ekziston ndonjë kërcënim i vërtetë. Sipas Perkins, kjo do të thotë se “për disa arsye specifike neurologjike, ata që vuajnë nga kjo paqëndrueshmëri emocionale kanë një imagjinatë shumë më aktive”.
Nga një këndvështrim i caktuar, shqetësimi është nëna e të gjitha shpikjeve: mendimtarët e mëdhenj të shekullit të kaluar kanë sjellë idetë dhe zbulimet e tyre të shkëlqyera, bazuar në një seri shqetësimesh që pllakosën botën në një periudhë të caktuar historike. Përparimi në ndërtimin e armëve, për shembull, u ndërmor falë shqetësimit të një pushtimi të ri.
Dr. Perkins shpjegoi ndryshimin mes “njerëzve të lumtur”, “jo të shqetësuar” dhe “të shqetësuar”. Të ashtuquajturit njerëz të lumtur dhe me fat janë, me përkufizim, të pakënaqur me jetën e tyre ose mjedisin e tyre dhe shumë pak të prirur të mendojnë për çështjet; për zgjidhjen e një problemi, në të vërtetë, e gjithë kjo paraqet një disavantazh në krahasim me dikë që është shumë më neurotik dhe ka marrë parasysh të gjitha rezultatet e mundshme të një pyetjeje të caktuar.
Me fjalë të tjera, herën tjetër që e gjeni veten duke kritikuar një mik i cili është i shqetësuar, ndaloni për një minutë të merrni në konsideratë të gjithë çështjen: “të menduarit e tyre shumë” i bën ata që të vënë re shumë detaje të tjera dhe të vlerësojnë të gjitha pasojat e mundshme të një problemi.
Burimi / https://www.guardachevideo.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
