Lani dhëmbët rregullisht, pastrojini me fill dentar dhe shkoni shpesh te dentisti. Pse? Sigurisht që të shpëtoni veten nga prishja e dhëmbëve, të shmangni dhimbjet e sikletshme dhe të ruani buzëqeshjen e bukur.
Një studim i ri zbulon se një lloj bakteri i quajtur Porphyromonas gingivalis, që është i lidhur me paradontitin, është gjetur në trurin e pacientëve me sëmundjen Alzheimer. Parodontiti është një formë e avancuar e sëmundjes së mishrave të dhëmbëve.
Autorët e studimit vërejnë se ky infeksion gjithashtu nxit prodhimin e Amyloid Beta, proteina që grumbullohen së bashku dhe janë shenjë dalluese e sëmundjes Alzheimer. Së fundmi, ata zbuluan se toksinat e lëshuara ishin të pranishme në qelizat e trurit të atyre qw vuanin nga Alzheimer. Në thelb, Alzheimer mund të jetë, pjesërisht, një lloj i infeksionit të trurit.
Fakti që shkencëtarët kanë ilaçe premtuese për këtë problem gjithashtu tregon për diçka shumë të thjeshtë që mund të bëni në shtëpi: Kujdesuni për dhëmbët tuaj të bardhë. Hulumtime të tjera tregojnë se individët e moshuar që kanë pësuar humbje të dhëmbëve kanë më shumë gjasa të kenë gjithashtu dëmtime të lehta të memories.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
