Përdorimi i rrjeteve sociale ka shumë efekte negative, pasi përdorimi i shumtë i tyre shkakton vetmi tek njerëzit. Përdorimi i tyre nuk është vetëm një çështje psikologjike, por kjo gjendje përkeqëson sëmundjet e ndryshme të organizmit, sipas studimit të kryer në moshat mbi 18 deri në 30 vjeç nga Qendra e Kërkimeve të Teknologjisë dhe Shëndetit në Universitetin e Pitsburgut dhe i botuar në revistën Amerikane të Promovimit të Shëndetit.
Në këtë studim janë përfshirë 1 178 studentë nga Universiteti i Virxhinias Perëndimore dhe për çdo rritje 10% të përvojave negative në mediet sociale, pjesëmarrësit raportonin një rritje prej 13% të ndjenjave të vetmisë. Ky ndryshim, megjithatë, nuk u gjet për të kundërtën,për përvojat pozitive, ku çdo 10% rritje, nuk kishte asnjë efekt.
“Perceptimi i izolimit social, i cili është sinonim i vetmisë, shoqërohet me pasoja të dobëta shëndetësore, të tilla si hipertensioni, sëmundjet e zemrës dhe depresioni”, tha studiuesi kryesor Brian Primarck, duke shtuar se është thelbësore të kuptojmë më mirë se si mund t’i ndihmojmë njerëzit të lundrojnë në rrjetet sociale, pa pasoja të shumta negative.
Burimi / gsh.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
