Secili prind do t’ju thotë se rritja e fëmijëve është puna më stresuese në botë – dhe nuk e kanë gabim! Kjo punë është aq stresuese saqë sa më shumë fëmijë që keni, aq më të rrezikuar jeni nga sëmundjet e zemrës. Studimet e shumta e kanë gjetur një lidhje mes të qenit prind dhe një rreziku të shtuar të problemeve kardiovaskulare.
Clare Oliver-Williams, hulumtuese në Universitetin e Kembrixhit, thotë se fëmijët shkaktojnë shumë stres dhe, sa më shumë fëmijë të keni, aq më shumë stres duhet të menaxhoni. Përveç stresit, hulumtimet e tyre të fundit thonë se rritja e fëmijëve mund të jetë e ndërlidhur edhe me diagnostikimin me sëmundje kardiovaskulare.
Ky hulumtim vjen nga ARIC, i cili i ka analizuar më shumë se 8,000 gra amerikane përgjatë 30 viteve. Arsyeja se përse ndodh kjo, sipas shkencëtarëve, ka të bëjë me faktin se si ndryshon trupi i gruas gjatë shtatzënisë, pas lindjes vjen mungesa e jetës shoqërore, mungesa e kohës për vetveten, etj.
Vlen të përmendet se, ndonëse fëmijët mund të jenë të dëmshëm për zemrën e kokën, ata faktikisht ju mbrojnë nga disa lloje kanceri.
Burimi / telegrafi.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
