Privimi i gjumit, i shkaktuar nga alarmi i vendosur herët, konsiderohet një formë e torturës, e cila mund të shkaktojë dëme serioze të efikasitetit, gatishmërisë dhe shëndetit të të punësuarve. Detyrimi i punonjësve për të filluar turnin para orës 10 është një formë e torturës dhe i lodh punëtorët, i sëmur dhe i streson. Kjo është ajo që del nga një studim akademik i kryer në Universitetin e Oksfordit.
Në fakt, para moshës 55 vjeç, ora biologjike e njerëzve nuk është e sinkronizuar fare me orarin e punës nga 9 deri në 17 dhe kjo dëmton efikasitetin, gjendjen shpirtërore dhe shëndetin e të punësuarve.
Siç e shpjegon profesori i Universitetit të Oksfordit, Paul Kelley, “do të nevojitej një ndryshim i madh shoqëror për të zhvendosur kohën e fillimit të shkollës dhe të punës, duke e sinkronizuar atë me orën biologjike të njerëzve; por rezultatet e studentëve mund të përmirësohen me 10 për qind, pasi efikasiteti i një punonjësi përmirësohet në masë të madhe kur ndjek një ritëm të rregullt gjumi”.
Disa studime mbi këtë temë kanë treguar se një fëmijë dhjetëvjeçar, për shembull, nuk mund të përqendrohet në lëndët e shkollës para 8:30; një adoleshent 16-vjeçar duhet të fillojë në 10; dhe një student i universitetit në 11, për të dhënë maksimumin e efikasitetit dhe përqendrimit të tyre.
“Kjo është një pyetje e madhe shoqërore. Të punësuarit duhet të fillojnë punën në orën 10:00. Nuk duhet të filloni në një kohë të ngjashme (9:00) deri në 55 vjeç. Zakonisht stafi është i privuar nga gjumi. Kemi një shoqëri private të gjumit”.
“Është shumë e dëmshme për trupin, sepse në këtë mënyrë ne ndikojmë në sistemin imun dhe emocional. Mëlçia dhe zemra kanë ritme të ndryshme, por ne kërkojmë çdo ditë t’i tejkalojmë ato për dy ose tre orë. Kjo është një çështje ndërkombëtare. Gjithkush vuan dhe nuk duhet”.
“Nuk mund ta ndryshojmë ritmin e 24 orëve. Nuk mund të mësosh të ngrihesh në çastin e caktuar. Trupi juaj është në harmoni me rrezet e diellit dhe ju nuk jeni i vetëdijshëm”.
“Kjo metodë zbatohet në kuadrin e përgjithshëm të burgjeve dhe spitaleve. Ata zgjojnë njerëzit dhe u japin atyre ushqimin që nuk duan. […] Privimi i gjumit është torturë”, tha profesor Kelley në Festivalin Britanik të Shkencës Bradford.
Privimi i gjumit, në fakt, ka një ndikim të fortë në shëndet: një javë e vetme me më pak se gjashtë orë gjumë një natë të çon në të paktën 711 ndryshime në funksionimin e gjeneve të një personi. Mungesa e gjumit ndikon në efikasitetin, vëmendjen, kujtesën afatgjatë dhe inkurajon përdorimin e alkoolit dhe drogës. Ajo gjithashtu çon në ndjenjë lodhjeje, shqetësimi, frustrimi, zemërimi, impulsiviteti; shkakton shtim në peshë, tension të lartë të gjakut dhe defekte të ulëta imune, stres dhe probleme të shëndetit mendor.
Neuroshkencëtarët thonë se adoleshentët janë të predispozuar biologjikisht të shkojnë për të fjetur rreth mesnatës dhe nuk ndihen plotësisht të zgjuar deri në orën 10:00. Në këtë drejtim, profesor Kelley tha se studentët humbasin rreth dhjetë orë gjumë në javë për shkak të alarmit të vendosur shumë herët.
Përgatiti Orjona TRESA / Burimi www.tpi.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
