Identifikohen dy gjenet përgjegjëse për gjumin, që rregullojnë kohën e fazës “Rem” (gjatë së cilës lindin ëndrrat) dhe quhen “Chrm1” dhe “Chrm3”, që shërbejnë për të prodhuar dy receptorë që lidhin acetiloklinën, një neurotransmetues i rëndësishëm që çlirohet në tru gjatë zgjimit dhe ëndrrave, sipas një zbulimi të publikuar në revistën “Cell Reports”.
Ky identifikim do të ndihmojë në zbulimin e mekanizmave molekularë që kontrollojnë ëndrrat dhe rolin që ka faza e mistershme “Rem” në konsolidimin e kujtimeve.
Një hap të parë në këtë drejtim e kanë bërë po të njëjtët studiues, që kanë modifikuar gjenetikisht minj laboratori për të fikur me radhë dy gjenet dhe për të verifikuar funksionin.
Eliminimi i gjenit “Chrm1” përcaktoi reduktimin dhe fragmentimin e fazës së gjumit “Rem”, ndërsa çaktivizimi i gjenit “Chrm3” ka reduktuar zgjatjen e fazës jo“Rem”.
Fikja e të dy gjeneve zhduku krejtësisht eksperiencën e fazës “Rem”, duke mos e rrezikuar mbijetesën e miut.
“Ky zbulim i jashtëzakonshëm, do të mundësojë që të verifikojmë në mënyrë rigoroze nëse faza Rem luan një rol qendror në funksionet biologjike themelore si të mësuarit dhe memorizimi”, theksoi studiuesi japonez Yasutaka Niwa.
Burimi / ata.gov.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
