Një filozofi jete për të rizbuluar eksperiencat e harruara
Të ndjesh tokën nën këmbë, të ecësh këmbëzbathur (në park dhe jo vetëm) në emër të shqisave. Një grup i vogël “këmbëzbathurish” pretendon këtë të drejtë dhe organizon takime dhe shëtitje. Që prej vitit 1999, në Itali ekziston një grup, i cili ndan përvoja të tilla të ngjashme, mendime, këshilla. Tashmë ky trend është kthyer në filozofi. Në forum thuhet se: “Të ecësh këmbëzbathur është një ndjesi që nuk ka krahasim. Këmbët e zbathura të lejojnë të perceptosh realitetin në mënyrë më të drejtpërdrejtë. Kur je mbi një shkëmb percepton një ndjesi ngrohtësie. Mbi bar ndjen lehtësi në mënyrë më natyrale. Dhe dhimbja transformohet tashmë në një zakon, në ndjesi-dëshirë për të provuar gjithnjë e më shumë terrene të reja për të shkelur”.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
